0 интересует 0 не интересует
Артрозды қалай емдеуге болады?
спросил 03 Июль от Жақсылық в категории Денсаулық

2 Ответы

0 интересует 0 не интересует

Шораяқты үй жағдайында шөп қайнатпалары арқылы емдеу

Түрлі шөптердің қайнатпалары арқылы шораяқты емдеу бұрыннан бері қолданылып келеді. Ол үшін мына рецептерді ұсынамыз:

Талдың қабығы, қырмызыгүл және қайың жапырақтарының қайнатпасы. Аталған шикізаттарды бірдей мөлшерде алып, қайнап тұрған суға саламыз да, 10 минут шамасында қайнатамыз. Мұнан кейін бетіне қақпақ жауып, 10 минут тұндырып қоямыз. Бұл қайнатпаны тамақтанардан 30 минут бұрын күніне үш уақыт 1 стақаннан ішіп тұру қажет.

Дәріханалық түймедақ пен шайқурай шөбінің қайнатпасы. Екі шикізатты бірдей мөлшерде алып, бөлме температурасындағы су құйып, отқа қоямыз. Су қайнағаннан кейін, кәстрөлдің бетін қақпақпен жауып, 10 минут демдеп қоямыз. Бұл қайнатпаның тиімділігі мол болуы үшін, күніне шамамен 1 литр мөлшерде ішу қажет.

Итбүлдірген жапырақтарының қайнатпасы. Жапырақты түнде ішіне су құйылған термосқа салып қойып, бір түн қойып қоямыз. Таңертең дәрілік зат қолдануға дайын болып тұрады. Бұл қайнатпа қабынуды басып қана қоймай, организмге күш-қуат береді.

ответил 03 Июль от Шырай
0 интересует 0 не интересует

Шораяқты үй жағдайында жасалған жақпа майлармен сылау арқылы емдеу

Тауық жұмыртқасының сарысы, скипидар мен сірке су жақпа майы. Бұл жақпа майды жасау үшін 1 жұмыртқаның сарысын бірдей мөлшердегі (1 шай қасық) сірке су және скипидармен араластырамыз. Қоспаны (аздап қыздырылған) ауырған буынға жағамыз. Бұл жақпа майды 7 күнде 2 немесе 3 рет жағу керек. Жиі жағуға болмайды.

Иттікен, қырмызыгүл, дәріханалық түймедағынан жасалған жақпа май. Бұл жақпа май ауруды басады әрі буындағы қабынуды азайтады. Оны әзірлеу үшін аталған үш шикізатты бірдей мөлшерде алып, кәдімгі вазелинмен араластырамыз. Мұнан кейін жақпа майды бірер күнге қойып қоямыз. Артынша оны ауырған жерлерге жағамыз. Егер буын қатты ауырса, аталған жақпа майды күніне 5 рет жағуға болады.

Балдан жасалған жақпа май. Бұл ретте кез-келген балды қолдануға болады. Табиғи балды аздап жылытып алып, оған шыршаның, қарағайдың немесе апельсиннің эфир майының 2-3 тамшысын тамызамыз. Дайын болған жақпа майды буынға жағып, 10-15 минут сылау керек. Осы уақытта бал толығымен теріге сіңіп кетеді.

ответил 03 Июль от Әсемгүл