Балаларға арналған санамақ білесіздер ме?

Санамақ

Бір дегенім – бесік,

Шықтық содан өсіп,

Екі деген – Елім,

Далам, тауым, көгім.

Үш дегенім – Үміт,

Үміт аптар жігіт.

Төрт дегенім – төзім,

Төзе білем өзім.

Бес дегенім – Бақыт,

Бағалайтын уақыт.

Алты деген – Ақыл,

Тыңдағаның мақұл.

Жеті деген – жалау,

Жүректегі алау.

Сегіз деген – сөзің,

Серт беретін кезің.

Тоғыз деген – тоқтау,

Елдің жоғын жоқтау.

Он дегенім – Отан,

Қорға оны, ботам!

Санамақ

Кел санайық, санамақ,

Саусақтарды даралап

Бас бармағым алғашқы,

Балан үйрек жалғасы,

Ортан терек атасы,

Шылдыр шүмек анасы,

Шынашағым балапан,

Бәріне ортақ алақан.