0 интересует 0 не интересует
спросил 11 Апр, 16 от Әсет в категории Танымал тұлғалар

1 Ответ

0 интересует 0 не интересует

Бекхожин Қалижан Нұрғожаұлы - ақын, драматург, аудармашы. Ол 1913 жылы Павлодар қаласында дүниеге келген. 1938 жылы Қазақ педагогикалық институтын тәмамдаған. 1932-1934 жылдары павлодарлық "Колхоз" газетінің редакция қызметкері болған. 1938-1942 жылдары Қазақстан комсомолы ОК-нің баспасында, Қазақстан жазушылар одағынында, Қазақ Ұлттық мәдениеті ғылыми-зерттеу институтында қызмет атқарған. 1949 жылдан шығармашылық қызметке ден қойған.

Қалижан Бекхожин туындылары 1930 жылдардан бері баспа бетіне шыға бастаған. Қырықтан астам кітабы жарық көрген. "Орман қызы" (1940),"Александр Невский"(1941), "Жиырма сегіз"(1942), т.б. поэмаларын жазған. Алғашқы өлеңдер жинағы 1944 жылы "Шеру" деген атпен жарық көрді. 

Сонымен қатар "Ақан Ақатаев", "Егер жүрек шын берілсе", "Нөсерден кейін", "Ұлы асу" пьесаларын жазған. А.Пушкин, М.Лермонтов, Н.Некрасов, В.Маяковский, М.Горький, Д.Байрон және тағы да басқа орыс және шетел әдебиеті өкілдерінің шығармаларын қазақ тіліне аударған. Қалижан Бекхожинның көптеген өлеңдер жинағы орыс тіліне аударылып, Мәскеуде жарық көрген. 

Ақын 1990 жылдың 2 қазанында Алматы қаласында дүние салған.

ответил 11 Апр, 16 от Динара