0 интересует 0 не интересует
спросил 09 Фев, 16 от Лашын в категории Ұстаздарға
категория изменена 02 Март, 16 от Мейрамгуль

1 Ответ

0 интересует 0 не интересует

Сабақтың тақырыбы:  Мұхтар Әуезовтің өмірі мен шығармашылығы

Сабақтың мақсаты:    

Білімділік: Мұхтар Омарханұлы Әуезов өмірі, шығармашылығы бойынша оқушылардың алған білімдерін жинақтап, толықтыру.

Дамытушылық:   Оқушыларды нақты пікір айтуға, өзіндік көзқарасын қалыптастыруға дағдыландыру.

Тәрбиелік: Қаламгер бейнесін оқушы санасына ұялата отырып, халқымыздың мақтанышымы екендігін ұғындыру.

Сабақтың түрі: баспасөз – конференция сабағы.

Сабақтың әдісі: әңгімелеу, сұхбат, сұрақ-жауап, баяндау.

Сабақтың көрнекіліқ құралдары: слайд, бейнежазба, аудиожазба.

Сабақтың барысы:

Ұйымдастыру

Оқушыларды түгендеу, жалпы дайындық.

Кіріспе

Оқушылардың сабаққа ықыласын арттырып, қызығушылығын ояту үшін "Көксерек" фильмі көрсетіледі.

- Балалар, қай фильмнен үзінді көрдіңіздер? Фильмге арқау болған әңгіменің авторы кім?

- Дұрыс айтасыздар, "Көксерек" әңгімесінің авторы - Мұхтар Әуезов. Бүгінгі сабағымыздың тақырыбы - Мұхтар Әуезов өмірі мен шығармашылығы. 

Сынып оқушыларын «Баяндаушылар», «Ізденушілер», «Көрермендер» тобына бөлу.

Негізгі бөлім

І. Оқушыларға жазушы өмірі мен шығармашылығынан қысқаша баяндау. М.Әуезов өмірі жайлы бейнебаян, пьесаларынан үзінді көрсету.

ІІ. Оқушылар пікірі.

Оқушылар ізденген мәліметтерін баяндайды.

ІІІ.   Әртүрлі баспасөз өкілдері мен ғалымдардан құралған "Баяндаушылар", "Ізденушілер" және "Көрермендер" топтары бір-бірімен пікір бөлісіп, қойылған сұрақтар төңірегінде жауап береді.

Сұрақтар:

І."Баяндаушылар" тобы

1. Мұхтар Әуезовтің дүниеге келуі, өскен ортасы туралы этнограф ғалым ретінде не айтасыз?

2. Қаламгердің алғашқы туындыларына қандай баға бересіз?

ІІ. "Ізденушілер" тобы

1. Қаламгердің жан-жақтылығы, жазу тілі мен стилі жайлы қандай пікірдесіз?

2. Мұхтар Әуезов шығармаларында адам психологиясы қалай беріледі?

3. «Абай жолы» - қазақтың тұнғыш эпопеясы жайлы ой өрбітсеңіздер.

ІІІ. "Көрермендер" тобы

1. Құнанбай бейнесін жасаудағы жазушының шеберлігі жөнінде әдебиетшілер не айтады екен?

2. Роман кейіпкерлері жайлы айтсақ, эпопеядағы әйелдер образы туралы не айтасыздар?

4.М.Әуезов шығармашылығы әлем әдебиетіне қандай үлес қосты?

Сабақты бекіту:

«Әуезов мен үшін...» тақырыбында шағын ойтолғау жазу.

Қорытынды

Мұғалімнің қорытынды сөзі.

Бағалау

Әр оқушыға кеспе қағаздар таратылып, оқушының өзін-өзі , оқушыны көршісі және мұғалім бағалайды.

Үй тапсырмасы: М.Әуезовтың «Қараш-қараш» повесін оқу.

ответил 12 Фев, 16 от Марфуға