0 интересует 0 не интересует
спросил 28 Апр, 16 от Дидар в категории Танымал тұлғалар

1 Ответ

0 интересует 0 не интересует

Жүнісов Сәкен Нұрмақұлы - қазақ жазушысы. Ол 1931 жылы 1 ақпанда Солтүстік Қазақстан облысының Кішкенекөл ауылында дүниеге келген. 1954 жылы Киров атындағы Қазақ мемлекеттік университетінде аспирантураны тәмамдаған. Филология факультетінде білім алған. Қызмет жолын "Пионер" журналында әдеби қызмекткер ретінде бастаған. 1960-1964 жылдары М.Әуезов атындағы Қазақ мемлекеттік академиялық драма театрының әдебиет бөіліміне меңгеруші болып тағайындалады. 

1964-1968 жылдары "Қазақ әдебиеті" газетінде қызмет еткен. 1988 жылдан 1992 жылға дейін - КСРО Әдеби қорының қазақ бөлімінің директоры, Қазақстан жазушылар одағының хатшысы. 1992 жылдан бастап шығармашылық қызметке ден қойған.

Жазушының "Өшпейтін іздер" әңгімелер жинағы (1968), "Жапандағы жалғыз үй" (1965), "Ақан сері" (1-кітап - 1971, 2-кітап - 1977) романдары жарық көрген. Ол "Әр үйдің еркесі" (1975), "Қысылғаннан қыз болдық" (1976), "Кроссворд"(1981) сынды 17 пьеса жазған.

Дарынды жазушы Сәкен Жүнісов 2006 жылдың 29 сәуірінде өмірден озды.

ответил 28 Апр, 16 от Дарын