0 интересует 0 не интересует
спросил 26 Май, 16 от Димаш в категории Білім, ҰБТ

3 Ответы

0 интересует 0 не интересует

Алматы - әсем қала

Алматы - Адатаудың баурайында жатқан ғажайып қала. Оның көркіне көз тоймайды. Тамаша табиғаты аспанмен таласқан заңғар тауларымен, сарқырап аққан өзен-суларымен, көк майса, жасыл желегімен, нарттай алмасымен ерекше. Ал жылдан жылға саны артып жатқан зәулім ғимараттардың құрылысы мен көркін сөзбен айтып жеткізгісіз.

Әлемге дәмі тіл үйірер портымен танымал Алматының басты көрікті орындары - Медеу мұзайдыны, Шымбұлақ курорты, Көктөбені айтуға болады. Оларды тамашалап, өз көзімен көріп, табиғатына тамсану үшін әлемнің түкпір-түкпірінен жылына мыңдаған туристер келеді. Ал қаламыздағы Тұңғыш Президент саябағы, орталық цирк, Горький саябағы, орталық мұражай, Әуезов атындағы театр, Абай атындағы опера және балет театры сынды мәдениет орындары - халық көп баратын орындар. 

Халық демалу үшін жиі баратын Көктөбеден Алматы алақандағыдай көрінеді. Ол жерден қаланың ғаламат көрінісін, ерекше сәулетін тамашалай аласыз. 

ответил 26 Май, 16 от Дарын
0 интересует 0 не интересует

Алматы - әсем қала (Жалғасы төменде, барлығы сыймайды екен)

Әр адамның өзінің сүйікті қаласы болады. Көп жағдайда адам өзінің балалық шағы мен ыстық естеліктер көп сақталған мекенді сүйікті қалам деп атайды. Сүйікті қалам… Оған міндетті түрде бір елдің астанасы немесе миллионер қала болу маңызды емес. Ол кішігірім, тыныш қала болуы мүмкін. Бастысы, жүрекке ыстық.

Әр қаланың адамдар секілді өзінің тағдыры, бет-бейнесі, мінезі бар. Мен өзімнің балалық шағым өткен, кішігірім Отаныма айналған қала туралы айтып бергім келеді.

Танысып қойыңыздар! Алматы – менің балалық шағымның аспаны. Мен осы жерде туып-өстім. Мен бұл қаланы ерекше жақсы көремін. Ол ешбір қалаға ұқсамайды. Сөзбен айтып жеткізе алмайтын сезім бар. Ол сезімді жақындарыма деген махаббатыммен ғана салыстыра аламын. Себебі, біз оларды белгілі бірнәрсе үшін емес, жай ғана өмірімізде бар болғандары үшін жақсы көреміз.

Менің жасым тоғызда. Өмірде көп нәрсені көрдім деп айта алмаймын. Десе де, туған қалам туралы уақыт өткен сайын жаңа деректер біліп жатырмын. Алматы – Қазақстандағы алып қалалардың бірі. Оны мемлекетіміздің екінші астанасы деп те атайды.

ответил 10 Окт от Данагүл
0 интересует 0 не интересует

Алматы - әсем қала (Жалғасы 2)

Менің онымен таныстығым анашымның айтқан әңгімелерінен басталған шығар. Бұрын Шымкент қаласында тұрған анам ыстық ауа райына үйреніп қалған болатын. Ал Алматының Шымкентке қарағанда суық екені рас. Алайда ол тамыз айындағы Алматының ауа райын көріп, қатты таңқалған. Сол сәтте бұл қаланың өзіне бірден ұнайтынын түсінген. Бұл қала оны әсем табиғатымен, биік тауларымен, гүлдерінің жұпар иісімен таңқалдырған. Ал мен Алматыны басқа қырынан көрдім десем де болады. Себебі, бұл менің туған қалам. Оны ешбір мекенмен салыстыра алмаймын.

Мен туған қаламды жақсы көремін. Бұл жерде көптеген көркем жерлер мен түрлі ескерткіштер, мұражайлар бар. Қаланың ең көркем жерлерінің бірі – Хамит Ерғали жағалауы. Ол Әл-Фараби атындағы ҚазҰУ-дың жанынан ағып өтеді. Оның жанында кішкене балаларға арналған ойын алаңдары бар.

Ал Көк-Төбенің әсем табиғатын сөзбен айтып жеткізу мүмкін емес. Оның биік нүктесінен Алматыны алақандағыдай көруге болады. Мұнымен қатар, Алматы қаласында “Мен қаламды шексіз сүйемін” атты жазуы бар автобустар жүреді.

Ауылға барып келген сайын қаламдағы өзгерістерді көріп қуанып қаламын. Күн сайын жаңа ғимараттар мен үйлер салынып жатады. Түрлі-түсті гүлдер көздің жауын алады.Мен бұл қаланы ерекше жақсы көремін.

ответил 10 Окт от Данагүл