Бастауыш сыныптарда тәрбие сағатын қалай өткізуге болады?

Тағы қандай жан-жануар жайлы білгілеріңіз келеді?

- Кірпі туралы.

- Кім кірпіні көрді? Қыста кірпі не істейді?

- Ұйықтайды.

- Ерте көктемде кірпілер оянады. Қыста кірпілер ұйықтайды, сондықтан тез арықтайды. Көктемде кірпілер жәндіктерді, шегірткелер мен түрлі қоңыздарды жейді. Ол өз баласын сүтпен қоректендіреді.

Балалар, кірпі мен аю тіршілігінде қандай ұқсастықтар бар?

- Қыста ұйықтайды. Балаларын сүтпен қоректендіреді.

- Дұрыс!

- Тиін қайда өмір сүреді?

- Ағаш інінде.

- Ол немен қоректенеді?

- Жаңғақтар мен саңырауқұлақтарды жейді.

- Және тиін жидектермен, емен жаңғағымен, бүршіктермен қоректенеді.

- Көктемде тиіннің түсі қандай болады?

- Сарғыш түсті.

Дұрыс айтасыздар! Көктемде тиін өзінің сұр шапанын шешіп, орнына жеңілдеу сарғыш шапанын киеді. 

Тағы да қандай жануарлар түсін өзгертеді?

- Қоян.

- Дұрыс! Қоян және басқа да жануарлар түсін өзгертеді.

IV. Сергіту сәті

"Орман ағаштары" ойыны ойналады.

V. Қорытынды

- Балалар, біз қандай жануарларға қонаққа бардық?

- Біз ол жануарлар жайлы не білдік?

- Қандай жануарлардың көктемде түсі өзгереді?

2-сыныпқа арналған тәрбие сағаты

Тақырыбы: Табиғат және біз

Мақсаты: 

- оқушыларды жан-жануарлардың көктемдегі тіршілігімен таныстыру;

- дұрыс сөйлеуін, тіл байлығын, есте сақтау қабілеті мен зейінін дамыту;

- табиғатқа деген сүйіспеншілікке, қоршаған ортаны тануға тәрбиелеу.

Әдіс-тәсілдері: түсіндіру, сұрақ-жауап, ойын ойнау. 

Көркемдік құралдары: жануарлар мен олардың төлдері бейнеленген суреттер (тиін, қоян, аю, кірпі, қасқыр, түлкі суреттері), сөздер жазылған үлестірме қағаздар. 

І. Ұйымдастыру кезеңі

"Мейірімділік шеңбері" тренингін ұйымдастыру. Сыныпта жағымды ахуал, көңіл-күй туғызу.

ІІ.  Кіріспе кезеңі

- Балалар, қараңыздаршы, далада ауа-райы қандай тамаша! Күн шұғыласын төгіп тұр. Ағаштар қысқы ұйқыдан оянуда. 

- Көктем келуімен тағы не өзгерді?

- Күн жылып, құстар ән шырқайды.

- Дұрыс айасыздар, күн ұзарып, көктемнің алғашқы гүлдері бүр жарып, құстар сайрайды.

ІІІ. Негізгі бөлім

1) Орманға саяхаттау

- Балалар, орманға барып, серуендеп келуімізге қалай қарайсыздар? Олай болса, көздеріңізді жұмып, орманда жүргендеріңізді елестетіңіздер. 

("Көктемгі орман" суреті)

- Біз сіздермен ну орманға бара жатырмыз. Аяғымыздың астында былтырғы жалдан қалған жапырақтар сықырлап, ағаштар желмен теңселіп, бізді қарсы алғандай бұтақтарын ұрғылайды. Әр сағат сайын тіршілік жанданып, көктемге куанады. Дәл осы жерде тоқтайық. Көздеріңізді ашыңыздар! (Оқушыларға жан-жануарлар суреттері көрсетіледі)

- Біз кімге келдік?

-Аюға.

- Аю нені жегенді ұнатады?

- Бал мен жидектерді.

- Дұрыс, ол жидектер мен балды сүйіп жейді. Аю шөптермен, саңырауқұлақтармен де коректенеді. Және ол балық пен жәндіктерді де жейді. Қыста аналық аю қонжықтарын туады. Көктем келгенде, ол қонжықтарын ертіп, апаннан шығады. Ол қонжықтарын тамақ тауып жеуге баулиды.