Бағдарламашы (программист) мамандығының негізгі қызметі қандай?
Бағдарламашы - дербес, орнатылатын, өндірістік және басқа да компьютер түрлеріне арнап бағдарламалық жасақтама ойлап табумен, яғни бағдарламалаумен айналысатын маман.
Ертелі-кеш көптеген өндіріс орыны мен ұйымда автоматтандыру мәселесі туындайды. Және басқарушылардың көбі заамнауи ақпараттық технология жетістіктерін пайдалануға талпынады. Дәл осы себепті бағдарламашыны басқарушының қалауы мен бүгінгі күнгі жоғары технологиялар әлемі ұсынатын өнімдер арасында делдалдық қызмет көрсететін кеңесші деуге болады.
Бағдарламашы мамандарды бірқатар оқу орындары дайындайды. Десе де бұл салада өзге мамандық иелері де нәтижелі жұмыс жүргізуде. Кейде жоғары білім алмаған адамдар да мықты бағдарламашы болып жатады.
Өз ісін жақсы білетін бағдарламашылардың бірыспырасы бағдарламалауды өздері үйренгені жасырын емес.
Бағдарламалауға оқу барысында оқылған дәрістерді мұқият тыңдау ғана емес, тапсырмаларды орындап, ғыдыби жобаларға қатысу да маңызды. Болашақ бағдарламашыға мәселенің дұрыс шешімін тауып, "мимен жұмыс істеуді" үйрену қажет. Ақапарттық технологиялар күн артқан сайын жылдам даму үстінде. Сондықтан бұл сала мамандары жоғары оқу орнын тәмамдаған соң да ұдайы ізденіс үстінде болып, заманымен қатар жүруі тиіс.
Бағдарламалау саласының мамандары бағдарламалау тілін, веб-парақашалар құруды біліп, шет тілін меңгеруі қажет.