БАРЛЫҚ ЖАҢАЛЫҚТАР
Сұрақтар мен жауаптар
Сұрақ қою

"Қуыр-қуыр қуырмаш" өлеңінің сөзі бар ма?

Дәурен
Жауап қалдырылды 16 Мау, 16

Қуырмаш

1. Кел ойнайық балақан

Бүкті міне алақан

Он саусағы түйісті

Басын қосып үйісті

Ортан қолым бір белес

Артқы жағы ергелес

Шумақтарым жұп-жұмыр

Жұдырығым жұп-жұмыр

Қ-сы:  Қуыр-қуыр қуырмаш

Балақанға бидай шаш

Ай-ай балақан

Жамандықтан қаш

2. Қане санап шығайық

Екі қолды алайық

Алайық бас бармақты

Сұқ саусағың салмақты

Тапшы оң мен солыңды

Тапшы ортаң қолыңды

Тапсаң ұнай қаласың

Олжалы боп қаласың.

Ақсәуле
Жауап қалдырылды 16 Мау, 16

Қуырмаш

Қуыр, қуыр, қуырмаш 
Қуыр, қуыр, қуырмаш, 
Мен айтайын қолыңды аш! 
Мынау тұрған бас бармақ, 
Жұмыс содан басталмақ. 
Алақанның тұңғышы 
Болсын осы жылқышы. 
Балаң үйрек жанында, 
Бейім сиыр бағуға. 
Ортан терек - ұзыны, 
Түйе бақсын, қызығып! 
Шылдыр шүмек - бұл саусақ, 
Қой бағуды тұр аңсап. 
Титтей бөбек-шынашақ, 
Сен дайында жер ошақ. 
Білекке енді барайық, 
Онда не бар табайық: 
Мына жерде күн болар, 
Мына жерде түн болар. 
Мына жерден ай шығар, 
Мына жерден май шығар. 
Бәрін айтып болдық па? 
Келіп қалдық қолтыққа! 
Қытық, қытық, қызық-ай, 
Міне, өрік, міне, май! 
Қуыр, қуыр, қуырмаш, 
Бидай салам, қолыңды аш. 
Төгіп алмай, күлем деп, 
Балапанға барып шаш!

Қазір оқып жатыр