Киімдегі дақты қалай кетіруге болады?
Киімдегі дақты кетіруге арналған кеңестер:
Ақ шарап, сыра
Мақта мата, зығыр жібек маталарды сабын, ас содасына 2 ас қасық ішуге жарамайтын спирт не арақ қосылған 1 литр су қосып жуады.
Мақта мата, жібек, жүн маталардағы дақты ішуге жарамайтын спирт немесе глицерин қоспасымен (1 бөлік), арақпен (3 бөлік), нашатыр спиртімен (1 бөлік) сүртеді.
Қызыл шарап, жеміс-жидектер
Көйлек-көншектегі дақты жылдамырақ ыстық сумен кетіруге тырысу керек. Дұрысы, киімдегі дақ кеткенше оған ыстық су құйып тұру. Егер ондай мүмкіндік болмаса, тез арада даққа тұз сеуіп, артынан оны бірнеше минут ыстық суда ұстап, кір жууға арналған құралмен жуу қажет.
Дақты бірнеше минут ыстқы сүтте ұстауға болады. Мұнан соң кииімді жуу керек. Киімді сүтке, сары суғасалып қойып, артынан жууға болады.
Ұзақ уақыт тұрып қалған дақтарды лимон немесе қымыздық қышқылының ерітіндісімен (1 стақан суға 2 г) кетіріп, артынан жылы сумен жуу арқылы кетіруге болады. Егер мұнан кейін киімде дақтың ізі қалса, оны сутек тотығы мен нашатыр спиртінің қоспасымен (1 стақан ыстық суға 1 шай қасықтан) кетіріп, суық сумен жуу қажет.
Жемістен қалған дақтарды сәл қыздырылған ішуге жарамайтын спиртпен кетіруге болады.
Қызыл шарап не жидектерден қалған дақтың үстіне дымқыл тұз сеуіп, біраз уақыттан кейін ыстық сумен жуу керек.
Саз-балшық
Жуу қажет. Дақ көп болмаса, киімді кептіріп, щеткамен тазалап, 1:1 мөлшеріндегі сірке су мен су ерітіндісінімен сүрту керек.
Ерінге арналған далап
Бензин. Трихлорэтилен не таза спиртпен тазалау қажет.
Әтір, иіссу
Спирт, таза глицеринмен сүрту. Мұнан соң күкіртті эфир не ацетонмен дымқылданған шүберекпен сүрту қажет.
Май, өсімдік не жануар майы
Майдан қалған дақты жумас бұрын, киімнің былғанған жерінің асты-үстіне 2-3 қабат сорғыш қағаз қойып, қатты қыздырылмаған үтікпен үтіктеу қажет. Мұнан соң дақты бензинмен немесе дақ кетіргішпен тазалайды.