Жалқаулықтан арылудың жолдарын білесіздер ме?

Жалқаулықтан арылу жөнінде кеңестер:

• Мақсатыңызды кейінге қалдырмаңыз. Уақыт өте келе мұнан да ақылды, қабілетті, талапты болатыныңызды күтпеңіз. Дәл қазір әрекеттенуді бастаңыз. Тек әрекет жасау арқылы ғана өзіңізді кемелдендіре түсесіз. 
• Жағымды ойлармен өмір сүріңіз. Сіздің ойыңыз да, көңіл-күйіңіз де жақсы болуы тиіс. Жағымсыз ойлар еш уақытта мақсатқа алып келмейді. Адамның ойы да - дұға.
• Адамдармен қарым-қатынастан шектелмеңіз. Адамдармен сөйлесуге, қарым-қатынасқа ашық болыңыз. Өзіңіздің тәжірибеңізбен бөлісіп, өзгеден үйрене біліңіз. Егер қиындыққа тап болған адамға қол ұшын бере білсеңіз, өз уақытында жақысылығыңыздың қарымы алдыңыздан шығады.
• Спортпен шұғылдануға уақыт табыңыз. Физикалық жаттығулар кез-келген адамға пайдалы болары сөзсіз. Ең болмағанда таңеретең тұрып, жүгіруді қолға алыңыз.
• Жан-жақты болуға тырысыңыз. Сүйікті ісің болған жақсы, әрине. Бірақ бір нәрсеге ғана қадалып қалу дұрыс емес. Әр түрлі салалардан хабардар болып, жан-жақты болуға ұмтылыңыз.
• "Жалқаулық"сөзін естен  шығарыңыз. Жалқаулық - адам бойындағы ең нашар қасиеттердің бірі. Бойыңызды жалқаулықтың билеуіне мүмкіндік беру арқылы сіз арман-мақсаттарыңыздан алшақтай түсесіз. Істі кейінге қалдыру ешқашан мақсатқа жеткізбейді.
• Әр күніңіз бен аптаңызды жоспарлаңыз. Ертең немесе белгілі бір уақыт ішінде жасауыңыз тиіс істердің тізімін құрыңыз. Сонда еш нәрсе де ұмыт қалмайды.