Бауыржан Момышұлының қандай нақыл сөздерін білесіздер?

Бауыржан Момышұлының нақыл сөздері:

• Батырлық тәуекел мен ақылдың есебінен шығуға тиіс. Тәуекел кейде ақылды да ақтап алады. Ал ақылсыз тәуекелді ештеңе де ақтап ала алмайды.
• Ту сыртыңнан түсірген дұшпанды торға түсір,
  Өршеленген жаудың үнін өшір.
• Ақылды кісінің сөзі де, өзі де сүйкімді.
• Өз қадірін білмеген – ер қадірін білмейді,
  Ер қадірін білмеген – ел қадірін білмейді.
• Дүниеде баланың у-шуына жетер не бар?!
  Одан асқан сазды әуен ойлап табу мүмкін емес.
• Ақкөңіл деген нәрсенің екі түрі бар: аңғал ақкөңіл, ақылды ақкөңіл.
• Қара бет болып қашқанша,
  Қайрат көрсетіп өлген артық!
• Анамыздың ақ сүтімен бойымызға дарыған ана тілімізді ұмыту - бүкіл ата-бабамызды, бар тарихымызды ұмыту.
• Мақтау қауіпті нәрсе. Мақтаудың екі түрі бар: біріншісі – қара ниетті мақтау, екіншісі – ақ ниетті мақтау.
• Тәрбиелі - тәртіптің құлы,
  Тәртіпті - елдің құлы.
• Айғаймен ала алмайсың, ақылмен, айламен басқар.
• Күншілдік - өзгенің мықтылығы мен өзіңнің әлсіздігінді мойындаудан туған құбылыс.
• Атқа мініп жүре алмайтынға жуас та асау, жебе де қысқа, тартпа да бос, ердің үсті де қолайсыз, тізгін де ұзын көрінеді – барлық сылтауды жайып салады.
• Тіл - елдің елдігінің, оның ғылымы мен мәдениетінің, өнеркәсібінің, қоғамдық құрылысының, салт-санасының, жауынгерлік дәстүрінің, ұлттық мұрасының қай дәрежеде екенін білдіріп тұратын көрсеткіш.
• Сұлу сөзге құл болма - зерлі ой онда көп болмас.
• Ақылгөйлік кейде өнегесіздікке тірейді.