Тәрбие жайлы қандай нақыл сөздер білесіздер?

Тәрбие туралы нақыл сөздер

• Баланы бұзуға,түзеуге себеп болатын бір шарт-жас күнде көрген өнеге (Ж.Аймауытов)
• Қалай десек те,ең мықты, табиғи мектеп-отбасы (М.Арын)
• Ата-аналар баланы тәрбиелегенде дәл өзіндей етіп тәрбиелеуге тырыспау керек,олар баланы өзінен күшті етіп тәрбиелеуі тиіс. Өйткені олардың заманы ата-аналарының өмір сүріп отырған заманына қарағанда анағұрлым күрделі талабы жоғары болатынын ұмытпаған жөн (М.Жұмабаев)
• Тәрбие басы - тіл (Ж.Аймауытов)
• Бала тәрбиесінде әке мен шешенің мүмкіндігінше бірдей араласуы үшін, отбасы тәрбиесін жоғары дәрежеде дұрыс жолға қою қажет (П.Каптерев)
• Сіз ұлыңызды немесе қызыңызды тек қана өзіңіздің ата-аналық қуанышыңыз үшін ғана дүниеге әкеліп, тәрбиелеп жатқан жоқсыз. Сіздің отбасыңызда және сіздің басшылығыңызда болашақ азамат, болашақ қайраткер және болашақ күрескер өсіп келеді (А.Макаренко)

• Еккенің тікен болса, орғаның балауса болмас (М.Әуезов)
• Адамның адамшылдығы – ақыл, ғылым, жақсы ата, жақсы ана, жақсы құрбы, жақсы ұстаздан болады (Абай)
• Баланы ұлша тәрбиелесең – ұл, құлша тәрбиелесең – құл болмақшы (Ахмет Байтұрсынұлы)
• Әрбір баланың мінез –құлқы ата-анасының жағымды іс-әрекетінен үлгі алу барысында қалыптасады (И.Павлов)
• Бала тәрбиесі басты байлығың, Кешіксең көретінің қайғы-мұң (Абай)