Сұрақтар мен жауаптар
Сұрақ қою

Есенғали Раушановтың өлеңдері бар ма?

Ардақ
Жауап қалдырылды: 24 Қыркүйек, 16

Сезімге от

Сезімге от, 

Дәтке қуат сенен алам,

Өзім деп, 

Өзегім деп келем әмән.

Омпы тұрған сақадай оқшау төбе,

Оқшырайып қарадың неге маған?

«Суын іш, жапырағын жараңа таң», -

Деп сізді қалдырмап па ед маған атам?!

Тым суық қарсы алдыңыз неге бұлай,

Сазарған сартас мола, сағана там?

Келіп ем тындайын деп сөз данасын,

Апырма-ай, селт еткізді-ау көз қарасың.

Мұншама тосырқадың, жарықтығым,

Танымай тұрған қарттай өз баласын.

Басқа деп қарамағын, тегі, бөліп,

Еске алдым мен атамды сені көріп.

Әуелі танымай қап ол да сендей,

Бір ұрсып ап, сүйетін еміреніп...

Ал кәне, құшағынды аш, сары бас тау,

Сары шалым секілді тебіреніп!

Мадина
Жауап қалдырылды: 24 Қыркүйек, 16

Қара бауыр қасқалдақ

Қара бауыр қасқалдақ, қайда ұштың пыр-пырлап?

Сазың қалды сәбидің еңбегіндей былқылдап.

Қарабауыр қасқалдақ, қасқалдағым, кері қайт,

Сиреп кеткен тоғайға қамықпа деп көңіл айт!

Ұя қалса иесіз, айдын үшін сол қайғы,

Қаңғып келген шүрегей көлге пана болмайды.

Өз босағаң бұл жердің тауы, қыры, төбесі,

Босағасын басқаға тастай ма екен, о несі?

Қасқалдағым, кері қайт!..

Қазақ әдебиеті категориясындағы басқа сұрақтар