БАРЛЫҚ ЖАҢАЛЫҚТАР
Сұрақтар мен жауаптар
Сұрақ қою

Шілдехана туралы мәлімет бар ма?

Жамал
Жауап қалдырылды 04 Қаз, 16

"Шілдехана" - көптен күтілетін той. Ол ана мен баланың перзентханадан шыққан күні не оның ертесіне жасалады. Дүниеге сәби келуімен құттықтауғ туыстары, жақындары, достары, көршілері келеді. Қонақтар үйге келіп, құттықтап, "Бауы берік болсын!" деген сынды тілектерін жаудырып жатады. Шашу шашып, шаттанады. Қазақ халқы шілдеханаға үлкен мән береді. Үлкендер жастарға нәрестені жалғыз қалдыруға болмайтынын ескертеді. Әйтпесе жын-шайтан үйге кіріп, бала шошынуы мүмкін. Шілдехана уақытында мал сойып, кең дастархан жаяды. Жастар жағы ойын ойнап, көңіл көтереді. Ет пісіп, қазаннан түскеннен кейін, үлкен ақсақал еттің ең маңызы бөлігі мойын омыртқаны алып, нәрестенің анасына береді. Ол мойынға пышақ тигізбестен етін жеуі керек. Одан соң мойынды әйелдерге береді. Осылайша мойын-огмыртқаны етінен тазалап жеп, баланың мойны берік болсын деген ниетпен мойын-омыртқаны биік жерге іліп қояды. Мұнан соң нәрестені суға түсіреді. Ол "шілде суы" деп аталады. Баланы шомылдыру құрметі беделі мол апаларға немесе көп балалы анаға беріледі. "Шілде суына" алтын бұйымдар, тиындар, күміс әшекейлер салады. Шомылдырып болғаннан кейін анасы сәбиін емізіп, ұйқыға дайындайды. Бұл жоралғы "бесікке бөлеу" деп аталады. Аталған дәстүрдің қазақ халқы үшін маңызы зор. 

Қазір оқып жатыр