Қамбар батыр туралы не білесіздер?
Қазақта Қамбар көп. Жылқы атасы - Қамбар. Көне жырларда, аңыздарда Қамбар атты әулие де, хан да, батыр да толып жатыр. Үсіктастағы Қамбар соның қайсысы болды екен?
Бір күні Досекең Үсіктастағы Қамбар батыр моласы "Қамбар батыр" жырының бас кейіпкері - Қарақасқа атты Қамбар бектікі екенін сендіре айтты. ... Шақпаұ пен Үсіктасты үлкен жон бөліп жатыр. Жоңды көктей өтіп, төскейдегі Қалабай, одан Қызыләулие бұлақтарынан сусындап, Қамбарсайға түстік. Қалың бидайықты аралап, сайды қуа жүріп, биіктеу жердегі ескі қорымға келдік.
... - Сол тобырдың бәрін Қамбар батыр аң етімен асыраған. Енді Үсіктас - аңшылық кәсібімен күн көруге бірден-бір қолайлы жер. ... Осы Көсегенің көк жонының арғы бетінде көне Саудакент, Құмкент қалаларының орны бар. Бізге жақыны - Құмкент. Темірқазықты бетке алып, төтелей жүрсе, алдымыздағы бел-белестердің теріскей бетінде. Аталарымыз: ""Қамбар батыр" жырындағы Әзімбай Құмкенттің жанындағы Қызылкөлде отырған", - дейтін. Назым атты қызы бойжеткенде, қалағанына тисін деп жар салып, елді жиятын Көкарал дегені - Құмкент шаһары. Ол да Қызылкөлге тиіп тұр.