Зергер дегеніміз кім және ол немен айналысады?

Зергер деп зергерлік бұйымдарды жасайтын, құрастырып, жөндейтін білікті маманды атайды. 

Бұл кәсіп иесі сонау ерте кезде пайда болған. Зергерлікпен көбіне шығармашылыққа жақын және талмай жұмыс істейтін адамдар шұғылданады. 

Бүгінгі күні зергерлер бағалы тастар мен металлдарды өңдеу үшін заманауи технологияларды қолданады. Көздің жауын алатын әшекей бұйымдар қазірде компьютерлік бағдарламалар мен арнайы технологиялар жасалады. 

Зергерлік бұйымдарды дайындауда түрлі тәсілдердің пайда болуы мамандықтың бірнеше бағыттарға бөлінуіне алып келді. Әдетте зергерлер тек белгілі бір бұйымды ғана жасаумен айналысады. 

Зергердің жұмысы мыналардан тұрады:  эскизді құрастыру, металл элементтерін жөндеу, құю және өңдеу, ою-өрнектер мен жазу, бағалы тастарды өңдеу, тастарды қоятын бөлікті әзірлеу, эмальды немесе басқа да заттармен әшекейді көмкеру, сақина, алқа, білезік өлшемін келтіру және т.б. 

Зергер шеберханада немесе зергерлік зауытта жұмыс істей алады. Шеберханада әдетте авторлық әшекей бұйымдар дайындалып, сатылады. Десек те мұндай орындардың негізгі қызметі бағалы бұйымдарды жөндеу екені белгілі. Зергерлік зауыттарда арнайы эскиз бойынша зергерлік бұйымдар жаппай өндіріледі. Бір айта кетерлігі, зауыттардың жұмыскерлерінің жұмысы шектеулі болғандықтан, олар өз істеріне құлшына кірісе алмайды. Зергерлерді ЖОО-лар немесе колледждер дайындайды. Мұнымен бірге, өз мұрасын кейінгі ұрпаққа үйреткісі келетін шеберлерден де зергерлікті үйренуге болады.