Археолог деген кім?

Археолог - ежелгі өркениеттердің өмірі мен мәдениетін олардың  еңбек әрекетінде жасалып, сақталған қазба қалдықтарынан зерттейтін ғалым.

Археологтар тарихи жәдігерлерді іздеумен және табылған заттарды зертханада зерттеумен айналысады - атап айтқанда классификация, қалпына келтіру және т.б. Олардың басты міндеті - табылған заттар және теориялық білім мен тұжырымдар негізінде өткеннің бейнесін қайта құру. Жеке алғанда құмыраның бөлігі немесе пышақ тұтқасы ештеңе білдірмейді. Оларды жер бедеріне, жағдайына, шөгу тереңдігіне, жақын жерден табылған нысандарға және басқа жағдайларға сілтеме жасамай талдау мүмкін емес. Белгілі бір артефактінің жасау немесе пайдалану уақытын анықтау үшін оның топырақтың қай қабатында болғанын ескеру қажет. Археологтар көп салалы мамандар екенін ұмытпаған жөн. Өз қызметінде олар басқа салалардан алынған әдістер мен деректерді қолданады. Олар гуманитарлық (тіл білімі, антропология және этнография) және жаратылыстану (ботаника, топырақтану, химия, физика, география) ғылымдарына жүгінеді.

Археолог мамандығы ежелгі Рим мен Грециядан бері танымал болды. Сол кездің өзінде адамдар тас, қола және темір дәуірлері туралы біліп, қазба жұмыстарын жүргізіп, көне сәулет ескерткіштерін тапқан. Қайта өрлеу дәуірінде көптеген қазба жұмыстары жүргізілді, олардың басты мақсаты көне мүсіндерді табу болған. Археология ғылым ретінде ХХ ғасырдың басында ғана қалыптасты.

Қазіргі кезде археологтар заманауи компьютерлік технологиялармен жұмыс істейді, олар ежелгі карталарды қолданып аймақты 3D қалпына келтіруге немесе кез-келген нысанның үш өлшемді моделін жасауға көмектеседі. Тіпті виртуалды археология деп аталатын бағыт пайда болды. Ол модельдеудің, 3D графиканың және қайта құрудың соңғы әдістеріне негізделген.

Археология ЖОО-да тарихи мамандықтарда оқытылады.