Мақала дегеніміз не?

Мақала - журналистика жанры. Мұнда автор әлеуметтік жағдайларды, процестерді, құбылыстарды, ең алдымен, олардың негізінде жатқан заңдылықтар тұрғысынан талдау міндетін қояды.

Мақала мақсаты — оқырманға белгілі бір фактілерді, ережелерді, ойларды немесе олар туралы басқа біреудің пікірін жеткізу.

Әдетте, мақалада автор белгілі бір мәселені алға қояды, оны талдайды және шешімін ұсынады (қорытынды жасайды).
Кез-келген мақаланың мақсаты - онда қамтылған ақпаратты тарату.

Мақала қалай жазылады?

Мақала жазуды бастамас бұрын, сіз негізгі сұраққа жауап беруіңіз керек – не үшін мен бұл мәтінді жазуым керек? Яғни, мақаланың мақсатын анықтауыңыз қажет.
Сондай-ақ, сіздің оқырманыңыз немесе мәтіннің мақсатты аудиториясы кім екенін ойлау керек. Басқаша айтқанда, оқырманның портретін елестетіп, материалмен жұмыс жасау барысында оны есте сақтаңыз.

Мақала тақырыбын қалай ойлап табуға болады? Төменде бірнеше тәсілдер көрсетілген:

• Мақсатты аудиторияның «ауыртпалықтарын» ойлау. Оларды қандай мәселелер мазалайтынын бәлкім білетін шығарсыз.
• Өз салаңыздағы негізгі сұраныстарды зерттеу, яғни пайдаланушыларды не қызықтыратынын білген жөн.
• Жеке тәжірибеңіз туралы, яғни белгілі бір жетістікке қалай жеткеніңіз, не істегеніңіз, қай жерде қателік жібергеніңіз, қандай қиындықтарға тап болғаныңыз туралы жаза аласыз. Алайда оқырманды сендіру үшін сізге нақтылық, мысалдар, сандық дәлелдемелер, иллюстрациялар қажет болады.
•  Өзекті жаңалықты таңдап, өз пікіріңізді білдіру. Егер сіз сарапшы болып, әдеттен тыс нәрсе айта алсаңыз ғана бұл әдіс іске асады.

Мақаланың форматы көбіне тақырып пен мәтінді жариялайтын  алаңға байланысты болады.

Корпоративті блогтар және көптеген БАҚ үшін ең танымал форматтар:

• «мәселе - шешім» құрылымы бар жағдайлар: қиындықтармен қалай кездескеніңіз және оларды қалай жеңгеніңіз немесе басқаларға қалай көмектескеніңіз туралы;
• алгоритм, нұсқаулық: белгілі бір қадамдар, толық ақпарат, нюанстар, сарапшылардың кеңестері арқылы (осы мақала сияқты) белгілі бір әрекетті қалай жасау;
• сараптамалық шолу - өнімді / жаңалықты / қызметті барлық жағынан қарастырып, өз пікіріңізді шынайы түрде білдіру;
• кеңестер - нұсқаулыққа қарағанда аз көлемді формат, бұл - сарапшыдан тізім түріндегі ұсыныстар;
• жиі қойылатын сұрақтар - әлеуетті клиенттерден танымал сұрақтарды алып, оларға сарапшы сияқты жауап беру.