Интроверт деген кім?

Интроверт - өзімен-өзі қалғанда өзін жақсы сезінетін адам. Өзінің моральдық қажеттіліктерін қанағаттандыру үшін оған сырттан көмек қажет емес. Ол сыртқы әлеммен байланысуды қажет етпейді немесе оған аса қажетсінбейді.

Статистика бойынша, сіздің таныстарыңыздың кем дегенде үштен бірі интроверттер. Олар сөйлескеннен, оқығаннан немесе сөйлегеннен гөрі тыңдауды жөн көреді, көбінде күдіктенеді, бірақ дауласпайды,  командада емес, жалғыз жұмыс істегенді ұнатады, сыртқы әлемнен гөрі ішкі әлемі ыңғайлы адамдар.

Карл Густав Юнг 1921 жылы жарық көрген «Психологиялық типтер» атты еңбегінде барлық адамдарды экстраверттер мен интроверттерге бөлуді ұсынған бірінші адам.

Интроверттер энергия көзін өзінің ішкі дүниесіндегі идеялардан, эмоциялардан және әсерлерден табады. Олар туралы басым пікір, олар міндетті түрде тыныш немесе тұйық адамдар емес. Тек олардың назары олардың жеке бастарында болады. Олар мұқият ойланып, қуат алатын тыныш орынды қажет етеді.
Олар энергияны үнемдейді. Сыртқы әлем оларды тез қоздырғыш күйге түсіреді және оларда кей нәрсеге «тым артық» деген жағымсыз сезім пайда болады. Бұл нервоздықта немесе керісінше апатияда көрінуі мүмкін.

Көптеген адамдар экстраверттер белсенді, ашық мінезді және ашық адамдар деп біледі де, ал интроверттер тұйық, өзімшіл, сезімтал және жасқаншақ жеп ойлайды. Шындығында, олай емес.

Ашық, белсенді интроверт немесе ұялшақ, сезімтал экстраверт болуы әбден мүмкін. Интроверттер экстраверттер сияқты, белсенді, креативті бола алады және көшбасшылық қасиеттерін көрсете алады, бірақ олар мұны өзінше жасайды.