Инфляция дегеніміз не?

Оксфорд сөздігі инфляция сөзіне осындай анықтама береді:
Инфляция – елдегі айналыстағы қағаз ақшалардың шамадан тыс өсуі, олар  құнсыздануға әкеледі.
Инфляция – бұл тауарлар мен қызметтер қатысындағы бағаның жалпы деңгейінің тұрақты өсуі.
Инфляция – қашанда бағаның өсуі. Төмен инфляция кезінде бағалар өте баяу өседі, дегенмен өсіп отырады. Инфляция төмендейді деп айтылғанда, бұл тұтыну қоржыны өткен жылдарға қарағанда баяу қымбаттайды дегенді білдіреді.
Инфляция қандай болады?
Төмен – жылына 6% дейін. Мұндай инфляция тұтынушылар үшін де, кәсіпкерлер үшін де ыңғайлы. Бұл экономиканың дамуына мүмкіндік береді. Көптеген елдер инфляцияның осы деңгейін ұстап тұруға тырысады.
Орташа – жылына 6-дан 10%-ға дейін. Бұл қауіпті, өйткені ол бақылаудан шығып, жоғары инфляцияға айналуы мүмкін.
Жоғары (өршімелі) – жылына 10-нан 100%-ға дейін. Бұл нарықтағы тұрақсыздықты тудырады, адамдар мен компаниялар өз болашағын жоспарлай алмайды.
Гиперинфляция –бағалар жүздеген және мыңдаған пайызға өседі, әсіресе ауыр жағдайларда адамдар ақшадан бас тартып, бартерге көшеді. Әдетте гиперинфляция ауыр дағдарыстар мен соғыстар кезінде пайда болады.