Мәзхаб – исламда шариғат құқығы мектебін білдіретін араб тілінен шыққан сөз. Сүннит мұсылмандар арасында ең көп тарағаны 4 мәзхаб – ханафиттер, шафииттер, маликиттер және ханбалиттер.
Ислам заңдары Қасиетті Құран кітабын негізге алады. Мәзхабтар арасында кейбір мәселелер бойынша әлі де келіспеушіліктер бар. Осы келіспеушіліктердің барлығы ислам және ислам құқығында Құраннан кейінгі екінші маңызды дереккөз – Алла елшісінің хадистерінен келіп шығады.
Негізінде исламдағы мәзхабтар бір ғұламаның немесе бір топ ислам ғұламалары мен теологтарының пікірін білдіреді. Бірақ исламды танудың негізі мызғымас болып қала береді және әртүрлі мәзхаб өкілдерінің исламдағы негізгі ұғымдарға қатысты келіспеушіліктері жоқ.
Ханафи мәзһабы – Қазақстандағы сүнниттік исламның басым тармағы.
Ханафи мәзһабының негізін Әбу Ханифа (699-767) салған. Әбу Ханифа мәзхабы  қазіргі Қазақстан аумағында моңғолдардан кейінгі кезеңде (XIII-XV ғғ.) үстемдік ете бастады.