Термин  – ғылымда, техникада, өнерде қолданылатын кез келген ұғымды дәл білдіретін сөз немесе сөз тіркесі. Әдетте тілдегі қандай сөз болсын көп мағыналы болып келеді де, оның мағыналық шегі айқын болмайды. Ал ғылыми ой-пікірді дәл білдіру үшін сөздің мағынасы тұрақты, айқын болу қажет. 

Термин тек бір терминологияны қамтуы мүмкін (мысалы, «ларингоскопия» сөзі), бірақ кейде түрлі терминологияға да енуі мүмкін («операция» сөзі медицинада, қаржы саласында, әскери істерде қолданылады). 

Кейбір терминдер өзінің ерекше сипатын жоғалтып, кеңінен қолданыла бастады. Бұлар –өнертану және әдеби-техникалық терминдер (жанр, дуэт, сюжет) ғылыми және өндірістік-техникалық терминдер (батарея, конвейер, масса).