Имидж дегеніміз не?

Имидж – ойластырылған, стратегиялық тұрғыдан әзірленген, мақсатты түрде қалыптасқан және эмоционалды реңкке боялған образ. Адамның, ұйымның, ұлттың, маманның, көшбасшының, саясаткердің, аумақтың, брендтің имиджі болады.

Образдың мәні – сыртқы келбеттің, стильдің, жарнамалық идеяның, әлеуметтік стереотиптің, қабылдаудың және қосымша құндылықтың негізгі ұғымдарын толықтыру, ашу және түсіндіру.

Нысанға байланысты образ мәселесінде бірнеше көзқарас бар:

Жеке имидж – басқалардың көз алдында өздігінен немесе мақсатты түрде қалыптасқан образ.

Қоғамдық кәсіптердегі адамның имиджі – кәсіби табыстың маңызды бөлігін құрайтын іскерлік стиль мен іскерлік қатынастардың қажетті атрибуты.

Ұйымның имиджі – ұйымды бәсекелестерден ерекшелейтін, әлеуетті сатып алушыларды тартатын, адал клиенттерді ұстайтын, сатылымға әсер ететін нәрсе.

Саясаткердің имиджі – жеке тұлғаның кейбір аспектілерін көрсететін және шоғырланған түрде саясаткердің болмысын білдіретін бұқаралық ақпарат құралдарында қалыптасқан образ.

Бренд имиджі – бренд туралы айтылған кезде пайда болатын тұтынушының санасындағы өнім бейнесі.

Ұлт имиджі – тарихи және мәдени мұраны, мемлекеттік құрылымды, этникалық бірегейлікті біріктіретін көп қырлы ұғым.

Әрбір ұлттың стереотиптерге негізделген өзіндік имиджі бар. Мысалы немістер дәлдікті, еврейлер ақшаны, британдықтар дәстүрді, француздар сәнді жақсы көреді деп саналады.

Имиджелогия – жоспарланған әсер қалдыруға көмектесетін образ қалыптастыру туралы ғылым.