«Аллегория» сөзі грек тілінен шыққан. Сөзбе-сөз аударғанда «тұспалдау» деген мағынаны білдіреді. оқырманның не көрерменнің санасына, қиялына ерекше әсер ететіндей, образ жасаудың бейнелеуші құралы, көркемдік тәсіл. Аллегорлау көркемдік тәсілдердің ең көнесі, бастауын мифтен алып, фольклорда ерекше дамыған.

Көптеген аллегориялық бейнелер адамның жақсылық, жамандық, әділеттілік және басқа да адамгершілік құндылықтарды түсінуін көрсетті. Мысалы, Ежелгі Грекия заманынан бері әділеттілік аллегориялық Фемида құдайы – көзі байланған және қолында таразы бар әйел түрінде бейнеленген.

бостандық аллегориясы – үзілген шынжыр;

ақ көгершін – дүние жүзіндегі бейбітшіліктің аллегориясы.

Түлкі – қулық,  қоян – сужүректік, есек – ақымақтық, аққу – адалдық, махаббат т.б. түрінде бейнеленетін кейіпкерлерде адамдарға тән мінез пернелеп айтылса да, бірден санаға, қиялға әсер етіп, көз алдыңа елестейді. Әлемдік сөз өнерінде ғасырлар бойы қалыптасқан типология ортақ бейнелер аллегорлау арқылы беріледі.