Стресс дегеніміз не?

«Стресс» термині (ағылшын тілінде «stress») қысым, салмақ салу деген мағынаны білдіреді.

Стресс  – әртүрлі қолайсыз факторларға (суық, аштық, физикалық және психикалық жарақаттар және т.б.) қорғаныс реакциясы ретінде адам немесе жануар ағзасының күйзеліс жағдайы.
Бұл адамның өмірдегі түрлі жағдайларға қалыпты физиологиялық реакция танытуы.  Стресс  кезінде адам ағзасы адреналин гормонын шығарады, ол қиындықтан шығудың жолын іздеуге мәжбүр етеді. Барлығына да аз мөлшерде стресс қажет, өйткені ол сізді ойлануға, проблемадан шығудың жолын іздеуге мәжбүр етеді және оң мәнге ие болады. Дегенмен егер стресс тым көп болса, дене әлсірейді, күшін жоғалтады, проблемаларды шеше алмайды және ауыр кеселдерді тудыруы мүмкін.

Стрессті бөлуге болады:

Оң және теріс – эмоционалды реңк дәрежесі бойынша.
Қысқа мерзімді және ұзақ мерзімді (немесе өткір және созылмалы) – ұзақтығы бойынша.
Физиологиялық және психологиялық – соңғысы пайда болуына байланысты ақпараттық және эмоционалды болып іштей тағы бөлінеді.

Стресс көздері:

Сыртқы фактор – жаңа жерге көшу, жұмыс орнын ауыстыру, жақын адамының қайтыс болуы, ажырасу, ақша проблемаларына, белгілі бір мерзімге міндеттемелерді орындауға, дау-дамайға, отбасылық қатынастарға, ұйқының қанбауына байланысты күнделікті қиындықтар.

Ішкі фактор – өмірлік құндылықтар мен нанымдарды қайта қарау, жеке өзін-өзі бағалауды өзгерту және т. б.

Стрессті тудыратын себептер мен факторлар (психологтар оларды «стрессор» деп атайды) стресстер) әртүрлі және көптеген:

- өмірдегі өзгерістер (демалыс, жаңа жұмыс, неке, ажырасу және т. б.);
- кез келген күшті эмоция;
- шаршау;
- дене жарақаты, ота жасау, ауру;
- шу;
- температураның күрт өзгеруі және т. б.