Түлкінің баласын жәудір немесе мыршай дейді.

"Жәудіреген көз" деген тіркес осыдан шыққан, өйткені ең мөлдір әрі әдемі көз түлкінің баласында болады. Көз жанарын сипаттағысы келгенде, осылай атайды. Бірақ биологиялық термин бойынша түлкінің баласы мыршай деп аталады. Мыршайлар көбінесе сәуірдің соңында немесе мамырдың басында пайда болады.

Олар енді дүниеге келгенде, терісінің түсі қоңыр болады. Оларды күшіктерден ажырату қиын, бір-біріне ұқсас. Мыршайлардың тек бір ерекшелігі  құйрығының ұшы ақ.

20 күннен соң мыршайлар іннен шығып, тамақтана бастайды. Бастапқыда олар зауза қоңыздары, шегірткелерді аулайды, өскеннен кейін сұр тышқан, кесіртке, бақа сияқты ірі жануарларды аулауды үйренеді.

Мыршайлар тамыз айына қарай ересекке айналады. Қараша айында үйірінен ажырап, бөлек кетеді.