Жарнама дегеніміз не?

Жарнама - қызығушылық тудыру және қалыптастыру мақсатында жарнамаланатын нысанға назар аударту үшін ақпарат тарататын байланысты маркетингтегі бағыт. Адамзат қауымында жарнама саудамен қатар туындады деуге болады. Оның бағзы замандарда да болғаны жайлы құл сатылатыны жөнінде мысыр папирусына жазылған хабарламадан білуге болады. Ол замандарда жарнама қандайда бір тауарды немесе қызметте мақтайтын ауызша немесе жазбаша хабарлама түрінде болды. Ауызша жарнаманы жар салушылар таратқан. Ал жазбаша жарнаманы папирус қағаздарға немесе балауыз тақтайшаға жазумен қатар, жол бойындағы үлкен тастарға немесе ғимараттарға жазған.