Сұрақтар мен жауаптар
Сұрақ қою

Аслан Қаженов өлеңдері бар ма?

Талқылау
Пікір
Майра
30 Қараша, 16

Алғысөз

Жаңа кітап өту үшін қауымға,
Жаңа кітап өтпеу үшін шағымға,
Алғысөзден басталады деген соң,
Тұманбайға шауып бардым алдында.

Оқып көрді ол бірнеше жырымды ап,
Содан кейін айтты пікір сынын нақ.
Кей-кездері қырыл кетіп үнінен
Кей-кездері үні кетіп қырылдап.

Сол баяғы Абайдан сөз бастады,
Сосын мендік жеңілдікті растады.
Ауыр ойға батпайсың деп өлеңде,
Ауыр ойға батырды да тастады.

Пауза қылды.Отырып сәл шайқалды,
Айтты кейін біраз мұңды жайттарды.
"Жазу үшін оқу керек" деді де,
Оқу үшін жазғанымды қайтарды.

Осылайша шығарды да үкімді,
Бір жанына насыбайын түкірді.
"Қатпағансың" деген сөзбен қатырып
"Бітпегенсің" деген сөзбен бітірді.

Бітірді де, қош айтты ел ақыны,
Өте дұрыс айтқан сын мен ақылы.
Андай сөзді естимін деп бардым да,
Андай сөзді естіп қайттым ақыры.

Ал, құрметті,оқырмандар,армысыз!
Болмас әсте бастамауым жарғысыз.
Бұл - Тұманбай бермей қойған қолтаңба
Бұл - Тұманбай жазбай қойған алғысөз.

Дәурен
30 Қараша, 16

Бумеранг

Көп оқитын әдебилеу тыңаны,
Көп оқитын мәдинелеу мұраны.
Алматылық пәтерлердің бірінде
Ең зиялы алкоголик тұрады.

Аллаға да құлшылығын қылады,
Мешітке де жиі барып тұрады.
Алматылық пәтерлердің бірінде
Ең иманды алкоголик тұрады.

Талай-талай қыздар оған құлады,
Талай-талй әйелге де ұнады 
Алматылық пәтерлердің бірінде
Ең әдемі алкоголик тұрады.

Ол ешкімге білдіртпеді мынаны,
Ол ешкімге көрсетпеді қырағы.
Алматылық пәтерлердің бірінде
Ең тәкаппар алкоголик тұрады.

Бірақ бәрін орнына сұғады,
Бірақ бәрін уақытында қылады.
Алматылық пәтерлердің бірінде
Ең ақылды алкоголик тұрады.

Ұлты үшін әркез рюмка ұрады,
Жұбан сөзі жұбанатын ұраны.
Алматылық пәтерлердің бірінде
Ең патриот алкоголик тұрады.

Көп өмірдің шешілмеген сұрағы,
Сондықтан да ішед арақ,сыраны.
Алматылық пәтерлердің бірінде 
Ең күнәсіз алкоголик тұрады.

Ішпесе сондай болмас ед.

Ғалымжан
30 Қараша, 16

Мұңайма мама,қайғырма мама, 

Салды ма сонша уайымға бала? 

Ұмтылу деген Астана жаққа 

Ұмыту емес жайында дала. 

Өксіме мама,өкінбе мама, 

Ол енді жігіт, жетілген жаңа. 

Өз өткендерін қалдырып кетті, 

Өз арманына жетуге бола. 

Арыма мама,налыма мама, 

(Ең болмаса,деп, сағынады ма?) 

Ол біліп сонша оқимын деумен, 

Кім білген сонша қағынарына? 

Құлама мама,жылама мама, 

Жалғызың биыл оралмағанға. 

Бақыт дегенің қасыңда,сірә 

Табылмай қойды мына қалада. 

Егілме мама, езілме мама, 

Бойыңды билет төзімге ғана. 

Шаңырағына келеді түбі 

Шаңырағынан безінген бала.

Аслан Қаженов
 

Қазақ әдебиеті категориясындағы басқа сұрақтар
0
Diana Mun
1 жыл бұрын пайда болды

Біржан Сал деген кім? Неге Біржан Сал деп атады?

0
Асия
1 жыл бұрын пайда болды

Мұқағали Мақатаевтың балалары кім?

 

1
Бану
1 жыл бұрын пайда болды

Жамбыл Жабаевтың «Зілді бұйрық» өлеңінің мазмұны

Жамбыл Жабаевтың «Зілді бұйрық» өлеңінің мазмұны

0
1 жыл бұрын пайда болды

Өнерлі өрге жүзер

6
Мағауия
2 жылы бұрын пайда болды

Теңіз туралы өлеңдер бар ма?

Теңіз туралы өлеңдер