Бай мен кедей туралы мақал-мәтелдер бар ма?

Бай білгенді құл біледі,

Айтайын десе еркі жоқ.

***

Бай да мінер бір атқа,

Кедей де мінер бір атқа.

Сабыр түбі - сары алтын,

Сабырлы жетер мұратқа.

***

Бай еңбегін кедейдің жанынан артық дейді,

Кедей еңбегін ханның тағынан артық дейді.

***

Бай қанша кедейленсе де, талтаңдауын қоймайды.

Кедей қанша байыса да, жалтаңдауын қоймайды.

***

Бай қолында қалтырағанша,

Кедей қолында жалтыра.

***

Бай мақпалын киеді,

Кедей тапқанын киеді.

***

Бай мақтанса табылар,

Кедей мақтанса шабылар.

***

Бай малын мақтайды,

Азамат арын сақтайды.

Аш бала тоқ баламен ойнамайды,

Тоқ бала аш баланы ойламайды.

***

Бай "алам" дейді,

Кедей "қатын-балам" дейді.

***

Бай жаңа атқа мінсе, "Қайырлы болсын!" дейді

Кедей жаңа атқа мінсе, "Қайдан алдың?" дейді.

***

Бай байлығын Құдайдан көрсе,

Кедей кедейлігін байдан көреді.

***

Бай баласы- балпаң,

Жарлы баласы - жалтаң.

***

Бай барын бермес, 

Кедей қарап тұрмас.

***

Бай баю үшін тырысады,

Кедей кедейіне болысады. 

***

Бай бергенін айтар,

Жарлы жегенін айтар.

***

Бай болмасаң болма,

Білім-өнерге сай бол.

***

Бай болсаң, жарлылығыңды айтпа,

Жарлы болсаң, байлығыңды айтпа.