Соңғы ЖАҢАЛЫҚТАР
БАРЛЫҚ ЖАҢАЛЫҚТАР
Сұрақтар мен жауаптар
Сұрақ қою

Жаңа жылға арналған жұмбақтар бар ма?

Талқылау үшін сайтқа кіріңіз
Рауан
Жауап қалдырылды: 16 Желтоқсан, 16

Жаңа жылға арналған жұмбақтар

Жасыл ине киімім, 

Жайлаймын тау биігін. 

Жаңа жылды тойласаң, 

Төріңдемін үйіңнің. (Шырша) 

***

Айнымайды шыныдан,
Қорқады тек жылыдан. (Мұз)

***

Бұрап қойған сағаттай,
Айқайлайды таң атпай. (Әтеш)

***

Терезені өрнектеп, 

Әдемі сурет салыпты. 

Кім екенін табайық, 

Көрінбей кетіп қалыпты. (Аяз)

***

Қыс түсіп, қар жауса, кілең 

Дала кезіп тыншымайды. 

Көрінбейтін саусағымен 

Бетті аямай шымшылайды. (Аяз)

***

Айналып жүріп шыршаны, 

Барлық адам ән салды. 

Барлығы да шаттанып, 

Қай мезгілді қарсы алды? (Қыс)

***

Аппақ етіп айналаны,

Ақ көбелек айналады. (Қар)

 

Дана
Жауап қалдырылды: 16 Желтоқсан, 16

Жаңа жыл туралы жұмбақтар

Бір кісінің он екі баласы бар,
Іштерінде ақ, сары, қарасы бар.
Әр баласы сапарға шыққан сайын,
Отыз шақты серігін ала шығар. (Жыл мен он екі ай)

***

Ақ қонақ,
Қара қонақ, –
Бірін-бірі қуады,
Кезек келіп тұрады. (Күн мен түн)

***

Бір ақсақал жылына 

Бір-ақ рет келеді. 

Көп қызы мен ұлына 

Сыйлық әкеп береді. (Аяз ата) 

***

Қыста келген,
Көктемде кеткен.
Көрпе боп жатқан,
Жылға боп аққан. (Қар)

***

Көкке қарап наздана 

Қолын созар күнімен. 

Күз, Қыс, Көктем, Жазда да 

Өзгермес бір түрінен. (Шырша) 

***

Күн суытып, қар түссе,
Үстін бассаң, батпайсың.
Жаз кезінде, тал түсте
Іздесең де, таппайсың. (Мұз)

Мерекелер категориясындағы басқа сұрақтар