Ақшақардың сөзі бар ма?

***

Армысыңдар, балалар,

Армысыздар, ата-ана.

Қуана жеттім сіздерге,

Асыр салып, шаттана.

Аяз ата алыс елден жіберді,

Жаңа жылды тойлауға.

Тәртіптерін тексеруді бұйырды,

Өткен жылғы тәртіп жайлы ойлауға.

Кім анасын тыңдамайды?

Балаларды мазақтайды.

Сабағына салғырт қарап,

Екіліктен арылмайды.

Орныңызда тұрыңыздар!

Кім таңертең тісін жуып,

Анасына бола алып жүр қолғабыс?

Кім тәртіпті, жақсы болып,

Атқарып жүр жақсы іс?

Бізге қарай келіңіздер!

Жарайсыңдар, балалар,

Сыйлықтарға лайықсыздар.

Аяз ата келіп бізге алыстан,

Таратады ойыншықтар, сыйлықтар!

Ақшақар сөзі:

Жаңа жылдың таңы неткен арайлы,

Ақ мамық орап алды маңайды.

Армысыңдар,  халайық,

Бармысыңдар, халайық,

Жаңа жылды жұп жазбай,

Бірге қарсы алайық!

***

Жаңа жылды қарсы алуға 

Кімдер мені шақырған?

Армысыңдар, достарым,

Сендерге мен қуанам!

Үлкенің де, кішің де

Ерінбей еңбек еттіңдер.

Шыршамызды әсемдеп, 

Құлпыртып, көркейттіңдер. 

Біз ертегі елінен келдік,

Ән айтайық, би билейік.

Шеңбер құрып тұрайық,

Жаңа жылды қарсы алайық!