Намаздың бəрін кешке жинап оқуға бола ма? Немесе тек сенбі, жексенбі күндері оқыса бола ма?

Намаз – діннің тірегі. Алла Тағала «Ниса» сүресінің 103-ші аятында:

إِنَّ الصَّلاَةَ كَانَتْ عَلَى الْمُؤْمِنِينَ كِتَابًا مَّوْقُوتًا

«Ақиқатында, мүминдерге намазды уақытылы орындау парыз етілді»,-деген. Сондықтан да, мұсылман пенде бес уақыт намазын уақытылы оқуы тиіс.

Намазды уақытыннан тек үзірлі жағдайда кешіктірсе болады. Мәселен, науқастанып, намазды тіпті бастың ишарасымен оқи алмаса немесе есінен шығып кетсе. Демек, үзірсіз намаз оқымай қоюға болмайды.

Негізі діннің нәзік мәселелерін таныс, жора-жодастан емес, мешітке барып имамдардан білген жөн.