Ежелгі адамдар жайлы не білесіздер?

Садақты осыдан 25000 жыл бұрын өмір сүрген адамдар ойлап тапқан. Испаниядағы Сальтадор үңгірінде өзімен бірдей садақпен найза атып тұрған адам суреті бейнеленген. Суреттегі адам сол қолымен садақ пен үш найзаны ұстап, оң қолымен садақтың адырнасын тартып тұр.

Ниццада табылған тау бөктерінде орналасқан ошағы бар лашық неандертальдық адамдар өмір сүрген кезеңге тән. Лашық біздің заманымыздан бұрынғы 380 000 жылдары тұрғызылған. Табылған лашық ежелгі адамдардың асүй, жатын бөлме, шеберхана сынды бөлмелері бар лашықта тұрғанын дәлелдейді.

Ежелгі адамдар жайлы деректер:

• ​Ежелгі адамдар от жағуды білмеген. Олар  табиғат құбылыстарының салдарынан пайда болған отты барынша пайдаланып қалуға тырысқан. Тік жүретін адам ғана екі таяқты бір-біріне ұзақ сүйкесе от пайда болатынын аңғарған. Біршама уақыттардан кейін олар 2 кремний кесегі мен құрғақ шөп арқылы от жағуды үйренген.  
• Қасқыр - ежелгі адамдар ең алғаш қолға үйреткен жануар. Әуелгіде олар тек аң аулау үшін қолданылса, артынан үй қорғау қызметін де атқаратын болған.
• Ежелгі адамдар аулаған негізгі жануар мамонт болған. Оның үлкен әрі етті болғанына қарамастан, көбіне адамдар мамонттарды азуы мен сүйегі үшін ғана аулаған. Олардан түрлі еңбек құралдары жасалынған. 
• Ежелгі адамдар түрлі әшекей бұйымдар таққан. Олар жыртқыштардың тісінен моншақ, қабықтан бойтұмар жасаған.
• 40000 жыл бұрын адамдар піл сүйегінен жасалған сыбызғыда ойнаған. Қазба жұмыстары бұған дәлел. Осы себепті, сыбызғыны көне музыкалық аспаптардың қатарына қоса аламыз.