Соңғы ЖАҢАЛЫҚТАР
БАРЛЫҚ ЖАҢАЛЫҚТАР
Сұрақтар мен жауаптар
Сұрақ қою

Бидай, арпа, тары, сұлы, күріш, күнбағыс, мақта, жүгері туралы қандай жұмбақтар білесіздер?

Талқылау үшін сайтқа кіріңіз
Сағира
Жауап қалдырылды: 12 Қазан, 17

***

Сырнайынан төгiп жыр, Күнге сәлем берiп тұр. (Күнбағыс)

***

Қалпағы бар дөңгелек, Сары гүлмен қоршалған. Қарай-қарай күнге ерек, Мойны талып шаршаған. (Күнбағыс)

***

Жүзiн орап гүлменен, Күнге қарап телмiрер. Тiспен шағып, Тiлменен, Дәмiн татқан ел бiлер. (Күнбағыс)

***

Кең алқап ақ түске, Бейне бiр малғандай. Күзде де, тал түсте, Қар жауып қалғандай. (Мақта алқабы)

***

Тау тау ақ қар, Ерiмейдi ыстықта. (Мақта)

***

Үйi де жоқ,

Күйi де жоқ.

Бiрақ Жауыннан да,

Дауылдан да Қымсынбайды.

Ыстыққа да,

Суыққа да

Шын шыдайды

Шешуiн айта ғой,

Балалар бiлсiн жайды. (Өсiмдiктер)

Айсана
Жауап қалдырылды: 12 Қазан, 17

Маржанын түзген, Сатылап тiзген. (Масақ)

***

Бiреу бердiм, Онын тердiм. (Тұқым)

***

Аласа терек

Күлтеленген жалына,

Ұнаса керек,

Моншақ таққан малына. (Тары)

***

Түскенде салқын күз,

Жинадық алтын тiс. (Жүгерi)

***

Табаны суды сүйедi,

Қабағы күнге күйедi. (Күрiш)

***

Кұндi аңдып шалқалап,

Гүлмен жапқан қалқалап,

Бақшада өскен теректiң

Дәндерiнен май тамар,

Шағып жеген нәр табар. (Күнбағыс)

Жарылғапберді
Жауап қалдырылды: 12 Қазан, 17

Ұзын мұртты сарылыр

Қойынында дәні бар. (Бидай)

***

Мысық мұртты,

Өрмек басты. (Бидай)

***

Аласа ғана бойы бар,

Қойнына тыққан наны бар. (Бидай)

***

Өзі қызық,

Бауырында бар

Жалғыз сызық,

Бұған жұрттың бәрі де ынтық. (Бидай)

***

Бек тұрған,

Белін буып,

Тек тұрған. (Бау бидай).

***

Бір ағашта қырық бұтақ,

Қырық бұтақта қырық ұя,

Қырық ұяда қырық жұмыртқа,

Қырық жұмыртқада қырық балапан. (Бидайдың масағы)

***

Тегiс жер кесiлдi,

Арқандай есiлдi. (Жыртылған жер)

***

Қыр басында әрқилы,

Сары теңiз толқиды. (Егiн)

***

Жезге ұқсас сабағы,

Дәнi – халық тамағы. (Бидай)

***

Асыраған – Ел-жұртты,

Жер мұратты. (Бидай)

***

Дөңестеу жотасы,

Бауырында сызығы,

Тамақтың атасы,

Баршаның ырзығы. (Бидай)

***

Бұтақ басында

Ұясы бар,

Дәл осында – Өмiрiң бар. (Бидай)

Қазақ әдебиеті категориясындағы басқа сұрақтар