Қыздың жігітіне неке құру жайлы ой тастағаны дұрыс па?
Егер қыз өмірлік серігін тауып, оған тұрмысқа шығуға ниетті болса, таңдаған адамынан оны жасыруы орынсыз. Сүйгеніңізге неке жөнінде тұспалдап айтпай-ақ, бірден ашығын айтып, мәселенің басын ашып алған дұрыс. Әрине, ол үшін сөйлесуге ыңғайлы жағдай жасап, сіздің қалауыңыз сүйіктіңізге қысым ретінде көрінбейтіндей жеткізе білуіңіз тиіс.
Еркектер тұспалдап айтқанды түсіне бермейді. Сондықтан нені де болсын тікесінен айтқан ләзім. Араларыңыздағы қарым-қатынастың қайда апарарын анықтап алсаңыз, әйтеуір оның үйленуге құлқы бар не жоғын білетін боласыз. Егер оның отбасын құруға ниеті болса, әдетте мұндай әңгімеден кейін ұсыныс жасайды. Ал үйленуге ниетті болмаса, ол қыздың өзін қыспаққа алғанын алға тартып, әлі де ойлануға уақыт керек екенін айтып, күтуіңізді сұрайды. Ол жігіттің үйлену жайлы ойы да болмағанын аңғартады.
Неке жайлы қашан да болмасын ой тастауға болады, бірақ әр жағдайды өзіндік ерекшелігіне байланысты қарастырған жөн. Егер сіз жас жігітпен екінші рет қана кездесіп тұрсаңыз, оны басы артық адуындықпен шошытудың қажеті шамалы. Бірақ ұзақ қатынастан кейін де некеге ықыласыңыз жоқ іспетті түр жасау арқылы өзіңіздің де, араларыңыздағы қатынастың да бағасын кетіресіз. Егер екеуіңіз кездесе бастағаннан бастап 9 ай ішінде екі жас әрі қарай бірге болуға ниеттілігінен сыр білдірмесе, өзіңіз сәті түскен кезде отбасын құру туралы сөз бастағаныңыз жөн. Дұрыс жасалған ишара - қатынастарыңыздың дәл осы кезеңіндегі сезімдеріңізді анықтаудың жақсы құралы.