1986 жылдың 26 сәуірінде Украина аумағында орналасқан Чернобыль атом электр станциясынының төртінші энергия блогында апат орын алған. Жарылыс салдарынан ректор толығымен бүлініп, қоршаған ортаға көп мөлшерде радиоактивті заттектер тарады. Қаза тапқан және зардап шеккен адамдар саны мен экономикалық шығын бойынша Чернобыльдегі апат атом энергетикасы тарихындағы ең ірі апат ретінде тіркелді. Апаттан кейінгі 3 ай ішінде 31 адам көз жұмса, соңғы 15 жыл ішінде анықталған ұзақ мерзімді сәулелену салдарынан 60-тан 80-ге дейін адам қайтыс болған. 134 адам әр түрлі деңгейдегі сәуле ауруына шалдыққан. Апаттан соң аумақтағы 115 000-нан астам адам өзге аймаққа көшірілді.

Чернобыль апаты КСРО үшін қоғамдық-саяси мәні бар үлкен мәселеге айналды. Апаттың нақты себебін әркім әрқалай түсіндіреді. Апат себебі жайлы күні бүгінге дейін ортақ пікір айтылған емес.

#Түс жору #Жулдыз жорамал #Танымал тұлғалар #Рецептілер #қызықты мәліметтер #Әдебиет #Тарих