Жолдасы көптің олжасы көп деген тақырыбқа эссе

Қазақта "Жүз теңгең болғанша, жүз досың болсын", "Досы көпті жау алмайды" деген мақалдар бар. Шынымен де досы бар адамның қорғаны да бар. Нағыз дос жолдасын жамандыққа қимайды, сатқындық жасамайды, жауға бермейді. Сондықтан досы көптің олжасы да көп екені анық. Доссыз адам - қанатсыз құспен тең. Дек доспен ғана өмір мәнді әрі сәнді болады. Адамның жақындарына да айта алмайтын сырлары болады. Сондай кездері ішіңдегіні досыңа ғана ақтарып айтып, сенім арта аласың. Менің Алтынай және Маржан есімді достарым бар. Олармен бірге ойнап, бірге күлеміз. Сабаққа да бірге дайындалып, үнемі бірге жүреміз. Сабақ оқығанда олармен ақылдаса, бірлесе отырып тапсырмаларды орындайтындықтан, оқу да жеңіл көрінеді. Әрі бәріміз де жақсы баға аламыз. Бір-бірімізге осылайша көмектесіп, жақсы үлгі беруіміздің өзі олжа деп ойлаймын. Және біз бір-бірімізге қиын сәтте қолдау білдіріп, түсіністік танытып, көмек қолын созамыз. Бір-бірімізге сырымызды айтсақ, тіс жармаймыз, сырын өзгеге шашпаймыз. Бұл да қымбат дүние, үлкен олжа емес пе? Сондықтан достармен өмір көңілді, сондықтан достар да - туысың, жақының сияқты баға жетпес адамдар. Мен оларды жоғалтқым келмейді.

Нағыз дос өзін бірінші орынға қойып, айналасындағыларды өзінің әңгімесін тыңдауға мәжбүрлейді деп ойласаңыз қатты қателесесіз. Ол өзінің жан сырын ақтарып қана қоймай, сізді де ден қойып тыңдайды. Уақытты көңілді өткізіп, қатар отырып түрлі фильмдер қарай аласыздар. Досты тек қайғыда емес, қуанышта да танисыз.  Өкінішке орай, көп адам достық атты ұлы сезімді бағалай бермейді. Бірақ… Олар күндердің бір күнінде жанына жақын адам іздеп шарқ ұрады. 

Сол сәтте нағыз достықтың қаншалықты құнды екенін түсіне бастайды. Досты лотореядан ұтып алуға немесе жай ғана көшеден тауып алуға болмайды. Әрине, достықтың да сыннан өтер кезі болады. Бір сәтте құрылып, бірден нығая түседі деп ойласаңыз, қатты қателесесіз. Оның үстіне дос бола білу қасиеті барлық адамға бірдей берілмеген. Ол өте нәзік ғылым. Кей өркөкірек, өзімшіл адам өзгелерді сыйламайды. Себебі, олар тек өздерін ойлап, үнемі бірінші орында жүруді ғана ойлайды. Мен үшін достық өте маңызды. Мейрамгүл, Анар есімді құрбыларымды шексіз жақсы көремін. Олар менің өмірімдегі ең қымбат, ең құнды жандар. Мен оларды жоғалтып алғым келмейді. 

Достық-ең ұлы сезім.Дос болу да оңай деп айту өте қиын.Достық жүргег жерде ешқашан жамандыққа жол жоқ.

Достық – әрбір адам өміріндегі маңызды қарым-қатынас. “Жаңа екі достан, ескі бір дос артық” деген жақсы сөз бар. Достық барлық адамға қажет. Тіпті, жалғыздықты ұнататын жандарға да. Кішкене бүлдіршіннен бастап, еңкейген қарияға да, бай-бағландар мен тақыр кедейлерге де дос керек. Бұл тізімді ұзақ-сонар жалғастыра беруге болады. Достық ортақ қызығушылық, түсінісу, сенім сынды қасиеттер негізінде құралады. Әңгімесі таусылған адамдар дұрыс қарым-қатынас құра алмайтындары анық. Уақыт өте келе адамдар жан-дүниесіндегінің барлығын шығарып, сырлас іздейді. Мұндай сәттерде достардың болмағаны өте жаман. Оның үстіне тек жақын достарыңа ғана айта алатын сырларың болады. Ең бастысы, осы сырды досың өзгелерге айтпайды. Жадында құнды қазынадай сақтап қояды.