Теология дегеніміз не?

Теология – (гр. theos – құдай және logos- ілім ) – дінді зерттейтін ғылым. Ол құдай туралы жүйеленген сенім және құдайдың мәні мен қызметі туралы діни ілімдер жиынтығы. Ал дін дегеніміз – жеке адамның рухани өмірі, қоғадық сананың формасы. Тарихи теологияда «Құдай сөзін» түсіну, қорғау, кейін жалған діндермен (пұтқа табынушылықпен) секталармен күресу қалыптасты. Классикалық теологияда діннің мәнін, маңызын, шешілмей қалған мәселесін шешуге тырысады. Теология қоғамнан ажырап кете алмайды. Жалпы қоғамдық ұйымдардан: христиан, индуизм немесе мұсылмандардан бөліп қарау мүмкін емес. Бұл діндердің барлығы құдайдың өсиетін зерттейді. Теологияны зерттейтін адамды теолог деп атайды.