Омыртқа қисайса не істеу керек?

Омыртқаны түзетудің емдік шаралары:

• Қолмен емдеу. Оның көмегімен омыртқа, жауырын, жамбас пен аяқ дұрыс қалыпқа келтіріледі. Ауырсыну сезімі басылып, қиымдл-әрекет қалпына келеді.
• Массаж бен физиотерапия: рефлексотерапия, акупунктура, арқа бұлшық етінің электростимуляциясы.
• Корсет. Омыртқа қатты қисайған кей жағдайларда (үшінші, төртінші дәреже) омыртқаға қосымша тірек қажет.
• Дұрыс тамақтану омыртқа қисаюының алдын-алудың ғана емес, емдеудің де маңызды бөлігі болып табылады. Организм жеткілікті мөлшерде ақуыз, кальций, С және D дәрумендерін алуы қажет. 
• Дене шынықтырудың емдік жаттығуларымен айналысу бұлшықеттерді нығайтады.

Омыртқаны түзетуге арналған жаттығулар:

• Омыртқаны жеңілдету. 2-3 минут еңбектеп жүру.
• Оымртқаны созу. Арқамызбен жатып, аяқ бармақтарымен төменге, басымызбен жоғарыға тартыламыз.
• Велосипед. Велосипедпен жүргендегі тәрізді етіп аяғымызды қимылдатамыз. 
• Қайшы. Арқамызбен жатып, аяғымызды қайшыластырамыз.
• Қайшы. Етпетімізбен жатып, аяғымызды қайшыластырамыз.
• Жүзу. Етпетімізбен жатып, аяғымызды созып, жүзіп жүргендей қимылдаймыз.
• Айнаға қарап отырып-тұру. Айнаға қарап, өзіңді бақылау арқылы жаттығу жасау - дене сымбаты үшін тамаша жаттығу. 5-10 реттен бірнеше қайтара отырып-тұрамыз. Жаттығуды баяу қозғалыспен жасаған дұрыс.