Бердібек Соқпақбаев кім?

Соқпақбаев Бердібек Ыдырысұлы - жазушы. Ол 1924 жылы қазанның 15 жұлдызында Алматы облысы Нарынқол ауданы Қостөбе ауылында дүние есігін ашқан. Бердібек Соқпақбаев кедей отбасында дүниеге келіп, ер жеткен. Өз балалық шағын жазушы "Балалық шаққа саяхат" повесінде шебер суреттейді. Ол 8 жасында анасынан айырылған. Ағасы Сатылған оны бала күнінен білімге құштар болып өсуіне сеп болады. 

Жазушы мектептегі білімін тәмамдаған соң әскер қатарында болған. Әскерден соң Алматыдағы Абай атындағы Қазақ педагогикалық инситутында оқиды. Біраз уақыттан кейні Мәскеудегі Жоғары әдеби курста білім алған. Өзінің туған ауданында мұғалім қызметін атқарған.

Бердібек Соқпақбаев әдеби қызметін өлең жинағын жазудан бастаған. Ол "Бұлақ" деген атаумен 1950 жылы жарық көрген. Мұнан соң 1951 жылы "Он алты жасар чемпион" повесі баспа бетін көрді.

Қаламгерге "Менің атым Қожа" повесі үлкен танымалдық алып келген еді. Ол "Детская литература" баспасында жарық көріп, кейіннен орыс тілінен шет ел тілдеріне аударылып Франция, Польша, Чехославакия, Болгарияда таралып жатты.

Бердібек Соқпақбаев журналистика саласында тер төгіп, "Қазақ әдебиеті", "Балдырған" басылымдары редакциясында жұмыс істеген. Жазушы Қазақстан жазушылар одағының мүшесі болған. Ол мұнда балалар әдебиеті бойынша кеңесші қызметін атқарған.

Қаламгер 1992 жылы 24 шілдеде Алматы қаласында дүние салған.