Соңғы ЖАҢАЛЫҚТАР
БАРЛЫҚ ЖАҢАЛЫҚТАР
Сұрақтар мен жауаптар
Сұрақ қою

Жазира Байырбекованың өмірбаянын білесіздер ме?

Талқылау үшін сайтқа кіріңіз
Райхан
Жауап қалдырылды: 24 Маусым, 16

Байырбекова Жазира Сайлауқызы 1978 жылы қыркүйектің 30 жұлдызында Оңтүстік Қазақстан облысы, Арыс қаласында дүние есігін ашқан. Ол мектеп қабырғасында бастауыш сынып оқып жүрген кезінен-ақ өнерін таныта білген. Домбыра тартып, ән айтуға құмар болған әнші мектепішілік, аудандық, облыстық байқауларға қатысып, жетістіктерге қол жеткізген. 1992 жылы "Тамаша" ойын-сауық отауы Жазираны арнайы шақыртып, әнші үлкен сахнада ән шырқайды. Мұнан кейін көгілдір экраннан көріне бастайды. Жазираны халыққа танытып, ел жүрегіне жол бастаған "Сәулем-ай" әні еді.

Жазира мектептегі білімін тәмамдағаннан кейін Жүсіпбек Елебеков атындағы эстрада және цирк колледжінде білімін жалғастырған. Құдай қосқан жары Ерблатпен бірігі 2002 жылдан бері ән айтып келеді. Әнші 2010 жылы Қазақ мемлекеттік қыздар педагогикалық университетін тәмамдаған. 

Жазираның репертуарындағы алғашқы әндері  "Сүйгеніңді бағала", "Арманым" болды. Бүгінгі күн 50-ден астам ән, 20-ға жуық бейнебаян жаздырған әнші "Қазақстанның мәдениет қайраткері" белгісімен марапатталды.

Өмірде де, өнерде де қол ұстасқан Жанболат пен Жазираның Қазыбек есімді ұлы бар.

Танымал тұлғалар категориясындағы басқа сұрақтар