Тауыс туралы не білесіздер?

Тауыс туралы қызықты деректер:

• Тауыс - тауық тәріздес құстардың ішіндегі ең әдемі құс.
• Шындығында, тауыстың құйырығы қысқа болады. Ал бізге ұзын әрі әдемі болып көрінетін - қауырсындары.
• Ең алғаш Үндістанда тауысты үйде асыраған. Бұл құс 1963 жылдан бері мемлекеттің нышаны болып табылады. Олар тауысты қасиетті санайды.
• Әр мәдениетте тауыс махаббат, сұлулық, мәңгілік өмір, ұзақ өмір мен тәкаппарлықты білдіреді.
• ХVІ ғасырға дейін жас тауыстың еті аспаздық деликатес болған.
• Ғалымдар тауыстардың бір-бірімен тілдесу әдісін тапты. Ол - құйрық үсті қауырысындары арқылы шығарылатын инфрадыбыс.
• Бұл сұлу құстардың кемшілігі қатқыл дауысы болып табылады.
• Тауыстар Үндістан, Непал, Шри-Ланкада мекендейді. 
• Ұзын әрі үлпілдеген әдемі құйрық тек аталық тауыстарда ғана болады. Ал аналықтарының құйрықтары қарапайым.
• Тауыстардың құйрығы қорғану қызметін атқарады. Қауіп төнген кезде тауыс құйырғын жайып, оның қауырсындарындағы көптеген көз жыртқышты шатастырады. Оған қоса, олардың құйрығы - аталық тауыстың аналық тауысты өзіне қаратуға арналған құралы.