Оспанхан Әубәкіров деген кім?
Оспанхан Әубәкіров 1934 жылы Алматы облысы Жамбыл ауданы Үшбұлақ ауылында дүниеге келген. Ол Құрманғазы атындағы Қазақ мемлекеттік өнер институтының театр бөлімін тәмамдаған. Республикамыздың түрлі газет-журнал редакцияларында қызмет атқарған.
Жазушы - әзіл-сықақ, сатира шебері. Оның ең алғашқы кітабы "Қоңырау" деген атпен 1960 жылы жарық көрген. Мұнан соң "Бытпылдақ", "Солақай", "Жасыратын не бар", "Күлкіңіз келе ме?", "Көктайғақ", "Сүзеген сөз", "Сиқыр", "Ымды білесіз бе?" әңгімелер жинағы жарияланды. Ол - "Чемпион Қожанасыр", "Милау сиыр" пьесаларының авторы.
Оспанхан Әубәкіровтің таңдамалы әңгімелері орыс тіліне аударылып, "Сиқыр" атауымен ктіп болып шыққан. Жазушы, аудармашы Әзиз Несиннің "Ақыреттен келген хаттарын", Б.Нушичтің "Менің өмірбаянымын", Э.Рапкенің "Мюнхаузеннің хикаяларын", Лао Шэнің "Мысықтар қаласын" аударған.
Сатира саңлағы 1986 жылы дүниеден озған.