Зейін Шашкин деген кім?
Шашкин Зейін Жүнісбекұлы 1912 жылы павлодар облысы Баянауыл ауданы Бозшакөл жерінде дүниеге келген. 1920-1930 жылдар аралығында Павлодар қаласының орта мектебінде білім алған. 1930-1933 жылдары Мәскеу тарих, философия мен әдебиет институтында оқыған. Оқу барысында Зейін Шашкиннің әдеби қызметі басталған. Әдеби жолының басы 1930 жылы әйгілі "Әдебиет майданы" журналында (қазіргі "Жұлдыз") алғашқы өлеңдері басылғанда басталып еді. Сол уақыттарда оның шығармалары, көбіне әңгіме, мақала, өлеңдері "Лениншіл жас", "Социалистік Қазақстан" газеттерінің бетінде жарық көрген. Мәскеудегі оқуынан соң 1933-1937 жылдар Зейін Шашкин Қарағандылық комсомол қалалық комитетінде хатшы қызметін атқарған. Мұнан соң Семей педагогикалық институтында және Алматыдағы Қазақ педагогикалық институтында оқытушы болған. 1933 жылдан Зейін Жүнісбекұлы уақытының көп бөлігін қазақ әдебиетінің даму мәселелеріне бөлген. Бұл зерттеулердің нәтижесі сыни мақалалар еді. 1934 жылы "Абай поэзиясының ерекшеліктері" еңбегі жарық көрді. 1940 жылы әдебиетші Есмағамбет Ысмайылұлымен бірге жоғары оқу орындарына арналған "Әдебиет теориясының оқулығын" жазған.
Қаламгер 1966 жылы дүниеден өткен.