Айгүл Арынбаева (Үмбетәлиева) - атақты әнші, композитор, көптеген халықаралық байқаулардың лауреаты Медеу Арынбаевтың жұбайы. Әнші жұбайымен 1996 жылы "АБК" тобының алғашқы концерттерінің бірінде танысқан. Оларды таныстырған Ерлан Көкеев еді. Айгүл мен Ерлан консерваторияда бірге оқыған. Екі айдан соң Медеу Арынбаев сүйіктісімен бас қосуды ұйғарады. Бір жылдан соң олардың тұңғышы Дәулет, тағы екі жылдан соң қыздары Дайана дүниеге келген.

Айгүл Арынбаева кәсіби скрипкашы, альтшы болған. Ол Балқаш маңындағы Мыңарал ауылында дүниеге келген. Музыкалық училищені тәмамдап, Алматыға келіп, консерваторияға альт сыныбына түседі. Көп жыл бойы Мемлекеттік филармонияның симфониялық оркестрінде қызмет атқарған.

11 жыл бойы тату-тәтті өмір сүрген отбасы бір-ақ күнде қара жамылып, 2010 жылдың соңында небары 41 жасында Арынбаевтың жұбайы инсульттен көз жұмды.

#Түс жору #Жулдыз жорамал #Танымал тұлғалар #Рецептілер #қызықты мәліметтер #Әдебиет #Тарих