Соңғы ЖАҢАЛЫҚТАР
БАРЛЫҚ ЖАҢАЛЫҚТАР
Сұрақтар мен жауаптар
Сұрақ қою

Тұманбай Молдағалиев деген кім?

Талқылау үшін сайтқа кіріңіз
Дария
Жауап қалдырылды: 22 Тамыз, 16

Тұманбай Молдағалиев балаларға арналған "Етекбай атам үйінде", "Арман мен Бота" кітаптарын жазған. Оның махаббат лирикасы мен композиторлар Нұрғиса Тілендиев, Шәмші Қалдаяқов, Әсет Бейсеуовпен бірге жазған әндері ("Құстар әні", "Құстар қайтып барады", "Бақыт құшағында", "Әнім сен едің") көпшілікке кең танылған. Қаламгер көркем аударма саласында да тер төккен. Ол Дж.Байрон, М.Лермонтов, Г.Гулам, Р.Ғамзатовтың туындыларын, қырғыз эпосы "Манастың" үзінділерін қазақ тіліне тәржімалаған. Ақынның көптеген шығармасы орыс, өзбек және басқа да тілдерге аударылған. Тұманбай Молдағалиев 2011 жылы 10 қазанда дүние салған.

Дария
Жауап қалдырылды: 22 Тамыз, 16

Тұманбай Молдағалиев - ақын, Қазақстанның халық жазушысы.  Ол 1935 жылы наурыздың 20 жұлдызында Алматы облысы Еңбекшіқазақ ауданы Жарсу ауылында дүние есігін ашқан. 1956 жылы Киров атындағы Қазақ мемлекеттік университетін тәмамдаған. 1956-1986 жылдары "Лениншіл жас", "Пионер" газеттерінің әдеби қызметкері, "Жазушы" баспасының редакторы, бас редакторы, "Балдырған" журналының жауапты хатшысы, "Жалын" альманахының бас редакторы, Қазақстан жазушылар одағының басқарма хатшысы болып қызмет атқарған. 1986 жылдан бері "Балдырған" журналының бас редакторы болған. 1957 жылы "Студент дәптері" атты алғашқы жыр жинағы жарық көрген. Мұнан кейін "Кәмилә" (1960), "Көктем таңы" (1961), "Алатау қызы" (1963), "Зулайды күндер" (1965), "Жүрегім менің сапарда" (1966), "Шақырады жаз мені" (1970), "Жүрек ояу қашанда" (1972), "Хаттар, хаттар" (1974), "Қош көктем" (1974), "Махаббат оты сөнбейді" (1975), "Жиырма бесінші көктем" (1980), "Әлтай әпке" (1984), "Тынық мұхит дәптері" (1985) өлеңдер әндер, поэмалар жинағы басылған. 

Танымал тұлғалар категориясындағы басқа сұрақтар