Құралай Анарбекова деген кім?
Құралай Анарбекова - актриса, продюсер. Ол 1989 жылы маусымның 11 жұлдызында Ақтөбе қаласында дүниеге келген. Бүгінде Құралай кәсіби топ-сәнбике, "2006 жылғы мисс Ақтөбе" сән байқауының жүлдегері, 2014 жылы құрылған "Corich Production" продюсерлік орталығының бас продюсері, негізін құрушы. №40 ақтөбелік орта мектепті үздік бітірген. 2005 жылы Ақтөбе политехникалық колледжіне түсіп, 3-курс оқып жүргенінде колледжде қосымша тәрбие және ұйымдастыру бөлімі бойынша қызмет атқарған. 2009 жылы Қ.Сәтбаев атындағы ҚазҰТУ-ға тсүкен. Бала кезінде би билеу және гимнастикамен айналысқан. Құралай сәнбике ретінде бірнеше мәрте мәскеулік фотографтармен жұмыс жасап, жарнамалық роликтерге түскен. Актриса "Жаужүрек мың бала" фильміндегі Қорлан рөлімен танымалдыққа ие болды. Оған қоса "Менің күнәлі періштем" фильмінде рөл сомдаған.