Ыдыс жууға арналған құралдар теріге зиянды ма?

Әрине, бұл жарнамалық қулық. Әдетте ыдыс жууға арналған құралдарға қол терісіне күтім жасайтын әлденені қосады. Шындығында ыдыс жууға арналған сұйық құралдар пайдалы бола алмайды. Себебі олар беткі белсенді заттар болып табылады. Ал олар ыдыстағы кірді кетіргендей, терідегі гидролипидті қабықты бұзады. Сондықтан ыдыс жууға арналған құралдарды көп қолданатын адамдардың тырнағы әлсіз, терісі құрғақ болады. Оған қоса көбі ыдыстағы жуғыш құралды әбден шаймайды. Нәтижесінде "химия" организмге түсіп, жинақталып, жасушалардың дұрыс жұмысын бұзады. Сол себепті ыдысты міндетті түрде ыдыс жууға арналған қолғаппен жуу керек. Немесе сатылымдағы жуғыш құралдардың орнына қыша мен ас содасын қолданыңыз.