Ринит дегеніміз не?

Ринит дегеніміз – мұрын жолдарының шырышты қабығының қабынуы. Бұл ауру кезінде адамның мұрны бітеліп қалады.

Мұрынның шырышты қабатын ағзамызға түрлі вирустардың, бактериялардың және басқа микроорганизмдердің енуіне алғашқы тосқауыл деуге болады. Бактериялар мұрын қуысына бірінші рет енгенде, мұрынның бітелуі немесе ринит асқынады. Көбінесе мұндай жағдайлар салқын тиген кезде, вирустық инфекциялар, сондай-ақ аллергендерге байланысты пайда болады.

Риниттің белгілері:

Егер біз жіті ринит туралы айтар болсақ, ол ринитпен қайта ауыруды білдіреді және басқа жұқпалы аурулардың белгісі болып саналады. Сондықтан адам ең алдымен, жалпы сырқатқа шағымдана бастайды: бас және бұлшықет ауырсынуының пайда болуы, жоғары температура, бұлшықет әлсіздігі. Егер емделмесе, ринит созылмалы түрге айналуы мүмкін және мұрынның жиі бітелуі, қою бөліністер сияқты белгілері болуы ықтимал. Біраз уақыттан кейін иіс сезу төмендеп, демалудағы қиындықтар бас ауруын туындатады. 

Созылмалы ринит кезінде вирустық инфекция жұтқыншаққа таралып, шырышты қабықтың қышуы мен қызаруына, жөтелге әкелуі мүмкін. Төменгі тыныс жолдарының аурулары дамуы мүмкін, асқынулар көз бен құлаққа таралуы ықтимал. Сондықтан мұрынның бітелуін емдеуді уақтылы бастаған жөн.

Риниттің себептері:

Ринитті емдеу тиімді және тез болуы үшін аурудың даму себебін дұрыс анықтау керек. Қате диагноз түрлі асқынуға апарып соқтыруы мүмкін.

Мұрынның шырышты қабығының қабынуына төмендегі жайттар себеп болуы мүмкін:

• вирустық инфекциялар
• ауру тудыратын микроорганизмдердің мұрын қуысына кездейсоқ енуі
• әлсіз иммунитет
• ағзаның салқындауы
• аллергендер
• мұрын қуысына химиялық зиянды және қауіпті заттардың түсуі
• ауасы құрғақ үй-жайларда ұзақ уақыт болу
• тамыр тарылтатын немесе тамыр кеңейтетін әсері бар препараттарды ұзақ уақыт қолдану
• мұрын қуысындағы қан айналымының бұзылуы

Әдетте, аурудың жіті кезеңі шамамен үшінші күні өтеді.

Созылмалы ринит әдетте ұзақ уақыт жүреді. Бұл ұзақтықтың негізгі себебі – дұрыс тағайындалмаған емдеу немесе кейбір асқынулар. Тамыр қозғалтқыш ринит қандай да бір аллергендердің мұрын қуысына енуіне байланысты дамиды. Олардың ішінде шаң, жүн немесе үй жануарларының иісі, өсімдік тозаңы болуы мүмкін. Аллергиялық ринит – мұрынның кенеттен бітеліп қалуы. Мұрыннан шырышты  бөлініс пайда болып, қышиды, жиі түшкіру орын алады. Егер ауада осы белгілерді тудыратын аллерген болса, аллергиялық ринит белгілі бір жиілікпен қайталануы мүмкін.

Риниттің негізгі белгілері:

• мұрынның кең тыныс алмауы;
• жиі түшкіру - құлақтың бітелуі;
• бас ауруы;
• мұрындағы құрғақтық, күйдіру сезімі;
• қатты бітелу;
• иіс сезімінің мүлде болмауы;
• мұрыннан шырышты бөліністердің пайда болуы.

    Риниттің кез келген түрінде дәрі-дәрмек, физиотерапия және халықтық емдеу тәсілдері тыныс алудың қиындықтарын жеңуге, қабыну процесін жеңілдетуге көмектеседі.

Контрацепция дегеніміз не?

Гематома дегеніміз не?